ଆଜି ହକି ଫାଇନାଲ୍ । କଳିଙ୍ଗ ଷ୍ଟାଡିଅମରେ ହେବାକୁ ଯାଉଥିବା ସୁପର ସୋରେ ମୁକାବିଲା କରିବେ ବିଶ୍ବର ଦୁଇ ହକି ସୁପର ପାୱାର ଜର୍ମାନୀ ଓ ବେଲଜିଅମ ।
2018 ରେ ବେଲଜିଅମ ବିଶ୍ବ ଚାମ୍ପିଅନ ହୋଇଥିବା ବେଳେ ଲଗାତାର ଦ୍ବିତୀୟ ଥର ପାଇଁ ବିଶ୍ବକପ୍ ହାତେଇବାକୁ ପ୍ରସ୍ତୁତି କରିଛି । ଅନ୍ୟ ପକ୍ଷରେ 12 ବର୍ଷ ପରେ ଫାଇନାଲ ଖେଳିବାକୁ ସୁଯୋଗ ପାଇଥିବା ଜର୍ମାନୀ ହକି ବିଶ୍ବକପ୍ ଚାମ୍ପିଅନ ହେବାକୁ ପ୍ରସ୍ତୁତି ଚଳାଇଛି । ପୂର୍ବରୁ 2002 ଓ 2006ରେ ହକି ବିଶ୍ବକପ୍ ବିଜେତା ହୋଇଥିଲା ଜର୍ମାନୀ । 2010ରେ ରନର୍ସ ଅପରେ ସନ୍ତୁଷ୍ଟ ହେବାକୁ ପଡିଥିଲା ଜର୍ମାନୀକୁ ।
