ଆର୍ମି ପରୀକ୍ଷାର୍ଥୀଙ୍କ ଉତ୍ପାତ

ଭୁବନେଶ୍ୱର ରେଳ ଷ୍ଟେସନରେ ଉତ୍ତେଜନା । ଭୁବନେଶ୍ୱରରେ ପୁରୀ-ନୂଆଦିଲ୍ଲୀ ଏକ୍ସପ୍ରେସରେ ପରୀକ୍ଷାର୍ଥୀଙ୍କ ଉତ୍ପାତ । ରାତି ଅଧରେ ଯାତ୍ରୀଙ୍କୁ ହଇରାଣ କରିବା ସହ ଯାତ୍ରୀଙ୍କ ଲଗେଜ୍ ଭଙ୍ଗାରୁଜା କରିଥିବା ନେଇ ଅଭିଯୋଗ ହୋଇଛି । ପରିସ୍ଥିତି ନିୟନ୍ତ୍ରଣ କରିବାକୁ ପୋଲିସ ମୃଦୁ ଲାଠିଚାର୍ଜ କରିଥିଲା । ଭୁବନେଶ୍ୱରରେ ଚାଲିଥିବା ଆର୍ମୀ ଇଣ୍ଟରଭ୍ୟୁ ଦେବାକୁ ବିହାରରୁ ଶହ ଶହ ପରୀକ୍ଷାର୍ଥୀ ଆସିଥିଲେ । ରାତି ପ୍ରାୟ ୧୧ଟା ସମୟରେ ଟ୍ରେନ୍ରେ ଯିବାକୁ ସେମାନେ ଷ୍ଟେସନ ଯାଇଥିଲେ । ତେବେ ପୁରୁଷୋତ୍ତମ ଏକ୍ସପ୍ରେସରେ ଯାତ୍ରୀଙ୍କ ସିଟ୍ରେ ସେମାନେ ଜୋର ଜବରଦସ୍ତ ବସିବାକୁ ଚେଷ୍ଟା କରିଥିଲେ । ତେବେ ଟ୍ରେନ ଦେଢଘଣ୍ଟା ବିଳମ୍ବ ହେବାରୁ ଯାତ୍ରୀଙ୍କୁ ଭୟଭୀତ କରିବା ସହ ଭଙ୍ଗାରୁଜା କରିଥିଲେ । ରେଳବାଇ ପୋଲିସ କିଛି ପିଲାଙ୍କୁ ଅଟକ ରଖି ଘଟଣା ବାବଦରେ ପଚରାଉଚରା କରୁଛି ।