ଭାରତର ମହାକାଶ ଯାତ୍ରାରେ ଯୋଡ଼ି ହୋଇଛି ଆଉ ଏକ ନୂତନ ଅଧ୍ୟାୟ । ISRO ଗଗନଯାନ ମିଶନ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ପ୍ରଥମ ଏୟାର ଡ୍ରପ୍ ପରୀକ୍ଷଣ (IADT-01) ସଫଳତାର ସହ ସମାପ୍ତ ହୋଇଛି। ଏହି ପରୀକ୍ଷଣରେ, ପାରାଚୁଟ୍-ଆଧାରିତ ପ୍ରଣାଳୀର କ୍ଷମତା ପରୀକ୍ଷା କରାଯାଇଥିଲା, ଯାହା ଦ୍ଵାରା ଭାରତୀୟ ମହାକାଶଚାରୀଙ୍କ ମହାକାଶରୁ ଫେରିବା ସମୟରେ ସୁରକ୍ଷିତ ଲ୍ୟାଣ୍ଡିଂ ସୁନିଶ୍ଚିତ ହୋଇପାରିବ। ଏହି ପରୀକ୍ଷଣ ଆନ୍ଧ୍ର ପ୍ରଦେଶର ଏକ ଏୟାରବେସରୁ ଭାରତୀୟ ବାୟୁସେନା, DRDO, ଭାରତୀୟ ନୌସେନା ଏବଂ ତଟରକ୍ଷୀ ବାହିନୀର ସହଯୋଗରେ କରାଯାଇଥିଲା ।ISRO ମୁଖ୍ୟ ଭି. ନାରାୟଣନ ଏକ ସାମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି ଯେ ଗଗନଯାନର ପ୍ରଥମ ମାନବହୀନ ଉଡ଼ାଣ (G1 ମିଶନ) ଚଳିତ ବର୍ଷ ଡିସେମ୍ବରରେ ହେବ । ନିମ୍ନ ପୃଥିବୀ କକ୍ଷପଥରେ ମାନବ ମିଶନ ପରୀକ୍ଷଣ କରିବାର ଭାରତର ପ୍ରଥମ ପ୍ରୟାସ ହେବ। ଏହି ଉଡ଼ାଣରେ ରୋବୋଟ୍ ‘ବ୍ୟୋମିତ୍ର’ ମହାକାଶକୁ ଯାତ୍ରା କରିବ। ନାରାୟଣନ କହିଛନ୍ତି ଯେ ଗଗନୟାନ ମିଶନର ପ୍ରାୟ 80% କାର୍ଯ୍ୟ ସମାପ୍ତ ହୋଇଛି। ଏପର୍ଯ୍ୟନ୍ତ ପ୍ରାୟ ୭,୭୦୦ ପରୀକ୍ଷଣ କରାଯାଇଛି ଏବଂ ବାକି ୨,୩୦୦ ପରୀକ୍ଷଣ ଆସନ୍ତା ବର୍ଷ ମାର୍ଚ୍ଚ ସୁଦ୍ଧା ସମାପ୍ତ ହେବ। ଏହା ପରେ, ୨୦୨୮ରେ ଆରମ୍ଭ ହେବାକୁ ଥିବା ଏହି ମାନବ ମିଶନ, ଭାରତର ସ୍ବତନ୍ତ୍ର କ୍ରୁ ମହାକାଶ ଉଡ଼ାଣ କ୍ଷମତା ହାସଲ କରିବାରେ ଚତୁର୍ଥ ଦେଶ ହେବ।
