ଭୁବନେଶ୍ବର : ଓଡିଶାର ଚର୍ଚ୍ଚିତ ଓ ବିବାଦୀୟ ଅବସରପ୍ରାପ୍ତ ଆଇଏଏସ ଅଫିସର ଭି.କେ. ପାଣ୍ଡିୟାନଙ୍କ ଯାଦୁ ଏବେ ବି କାମ କରୁଛି । ଯେଉଁଥିପାଇଁ ତାଙ୍କ ଆଇଏଏସ ପତ୍ନୀ ସୁଜାତା କାର୍ତ୍ତିକେୟନଙ୍କ ଭିଆରଏସକୁ କେନ୍ଦ୍ର ସରକାର ମଂଜୁରୀ ଦେବା ସହ ତିନିମାସର ବାଧ୍ୟତାମୂଳକ ନୋଟିସ ପିରିଅଡକୁ କୋହଳ କରିଛନ୍ତି । ପୂର୍ବରୁ ମଧ୍ୟ ଭି.କେ. ପାଣ୍ଡିୟାନଙ୍କ ଭିଆରଏସକୁ କେନ୍ଦ୍ର ସରକାର ରାତି ଅଧିଆ ମଂଜୁରୀ ଦେଇଥିଲେ । ଯଦିଓ ପାଣ୍ଡିୟାନ ଭିଆରଏସ ପରେ ବିଜେଡିରେ ଯୋଗ ଦେଇ ନିର୍ବାଚନ ପାଇଁ ଗୋଟି ଚାଳନା କରିଥିଲେ । ଗତ ନିର୍ବାଚନରେ ଉଭୟ କେନ୍ଦ୍ର ଓ ରାଜ୍ୟ ବିଜେପି ନେତାମାନେ ପାଣ୍ଡିୟାନଙ୍କ ବିରୋଧରେ କହି କହି ନିର୍ବାଚନ ଜିତିଥିଲେ । ଉପରକୁ ଦେଖିଲେ ପାଣ୍ଡିୟାନ ବିଜେପି ପାଇଁ ରାଜନୈତିକ ଶତ୍ରୁ । ମାତ୍ର ଭିତରେ ବିଜେପି ନେତା ମନ୍ତ୍ରୀଙ୍କ ସହ ପାଣ୍ଡିୟାନଙ୍କ ମଧୁର ସଂପର୍କ । ଯେଉଁଥିପାଇଁ ବିନା ନୋଟିସ ପିରିଅଡରେ ବି ଭିଆରଏସ ନେବାରେ ସେ ସଫଳ ହୋଇଛନ୍ତି । କେବଳ ସେତିକି ନୁହେଁ, କ୍ଷମତାକୁ ଆସିବା ପୂର୍ବରୁ ପାଣ୍ଡିୟାନଙ୍କ ବିରୋଧରେ ବହୁ ଅଭିଯୋଗ କରି ଆସୁଥିବା ବିଜେପି ନେତାମାନେ ସରକାରକୁ ଆସିବା ପରେ ତାଙ୍କ ଆଭିମୁଖ୍ୟ ବଦଳାଇ ଦେଇଛନ୍ତି । ନବୀନ ପଟ୍ଟନାୟକଙ୍କ ଗତ ବାରବର୍ଷର ସରକାରରେ ପ୍ରମୁଖ ଭୂମିକା ଗ୍ରହଣ କରିଥିଲେ ପାଣ୍ଡିୟାନ । ନବୀନଙ୍କ ସରକାରରେ ହୋଇଥିବା ଲକ୍ଷ ଲକ୍ଷ କୋଟି ଟଙ୍କାର ଦୁର୍ନୀତିର ଖିଅ ବାହାରିବା ଆରମ୍ଭ କରିଛି । ତା ପୂର୍ବରୁ ପାଣ୍ଡିଆନ ଦମ୍ପତ୍ତି ଭିଆରଏସ ନେଇ ପେଡି ପୁଟୁଳା ବାନ୍ଧି ବିଦେଶ ପଳାଇବେ । ସେତେବେଳକୁ କାହାକୁ ଧରିବେ ସରକାର ? ନା କେନ୍ଦ୍ର ସରକାର ଚାହୁଁଛନ୍ତି, ପାଣ୍ଡିୟାନ ଦମ୍ପତ୍ତି ଓଡିଶା ଛାଡି ବିଦେଶକୁ ଚାଲି ଯାଆନ୍ତୁ ।
