ଧରାପଡିଛି କଟକରେ ଆତଙ୍କ ସୃଷ୍ଟି କରିଥିବା ସାଇକୋ କିଲର । ପ୍ରେସମିଟରେ ଏହି ସୂଚନା ଦେଇଛନ୍ତି କଟକ ଡିସିପି ଅଖିଳେଶ୍ୱର ସିଂ । ସନ୍ଦିଗ୍ଧ ବ୍ୟକ୍ତି ଜଣକ ହେଲା ଗଞ୍ଜାମ ଜିଲ୍ଲା ଅଞ୍ଚଳର ନାରାୟଣ ସାହୁ । କଟକରେ ସିରିଏଲ ହତ୍ୟା ପରେ ଫେରାର ଥିଲା । ସନ୍ଦିଗ୍ଧ ବ୍ୟକ୍ତି ସାଇକୋ କିଲର କି ନୁହେଁ ତାହା ଡିସିପି ସ୍ପଷ୍ଟ କରିନାହାଁନ୍ତି । ତାକୁ ଧରିବାକୁ ପୋଲିସ ପକ୍ଷରୁ ୫ଟି ଟିମ୍ ଗଠନ ହୋଇଥିଲା । ଗଞ୍ଜାମ, ଭଦ୍ରକ, ବାଲେଶ୍ୱର, ପୁରୀ ଏବଂ କଟକରେ ଛାନଭିନ କରାଯାଇଥିଲା । କିଛିଦିନ ତଳେ କଟକରେ ଚାଞ୍ଚଲ୍ୟକର ହତ୍ୟାକାଣ୍ଡ ହୋଇଥିଲା । ଜୁଲାଇ ୨୨ରେ ରାଣୀହାଟରେ ଜଣଙ୍କୁ ଓ ୨୩ ରେ ଓଏମପି ଛକରେ ଦୁଇ ଜଣଙ୍କୁ ସମାନ ଢଙ୍ଗରେ ହତ୍ୟା କରିଥିଲା ସିରିଏଲ କିଲର । ବହୁ ତନାଘନା ପରେ ଜଣଙ୍କୁ କାବୁ କରିଛି ପୋଲିସ ।
