ପିପିଲି ଉପନିର୍ବାଚନ ପାଇଁ ଆଜି ନାମାଙ୍କନ ଦାଖଲର ଶେଷ ଦିନ । ମଇଦାନରେ ଆଜିଠୁ ଜମିବ ପ୍ରଚାର, ଉଠିବ ପଡିବ ପିପିଲି । ଆଜି ପିପିଲି ଉପ ନିର୍ବାଚନ ଲାଗି ନାମାଙ୍କନ ଦାଖଲ କରିବେ ଉଭୟ ବିଜେଡି ଓ କଂଗ୍ରେସ ପ୍ରାର୍ଥୀ । ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ଏବଂ କଂଗ୍ରେସର ଅଜିତ୍ ମଙ୍ଗରାଜ ପ୍ରାର୍ଥୀ ପତ୍ର ଦାଖଲ କରିବେ । ପୂର୍ବରୁ ବିଜେପି ପ୍ରାର୍ଥୀ ଆଶ୍ରୀତ ପଟ୍ଟନାୟକ ନାମାଙ୍କନ ଦାଖଲ କରିସାରିଛନ୍ତି । ତାପରେ ମଇଦାନରେ ଆରମ୍ଭ ହେବ ଲଢେଇ । ଉପ ନିର୍ବାଚନକୁ ନେଇ ଆରମ୍ଭ ହୋଇଛି ୩ ପ୍ରମୁଖ ଦଳଙ୍କ ମଧ୍ୟରେ ହାରଜିତ୍ର ଅବଗଣନା ମହାରଥୀଙ୍କ ଗଡରେ ଦଳ ଶାସନ ଗାଦି ବଜାୟ ରଖିବ ବୋଲି ନିଶ୍ଚିତ ଅଛି ବିଜେଡି । ତେଣେ ପିପିଲିରେ ବିକାଶ ଏବଂ ଶାନ୍ତି ପ୍ରତିଷ୍ଠାକୁ ବିଜେପି ମୁଦା କରିଥିବାବେଳେ ଅର୍ଥବଳ ବିନା ନୀତି ଆଦର୍ଶରେ ନିର୍ବାଚନ ଜିତିବାକୁ ଲକ୍ଷ୍ୟ ରଖିଛି କଂଗ୍ରେସ । ଏପ୍ରିଲ ୧୭ରେ ହେବ ପିପିଲି ଉପନିର୍ବାଚନ ପାଇଁ ଭୋଟ ଗ୍ରହଣ ।
