୨ ବର୍ଷ ପରେ ବଡଦାଣ୍ଡ ଉଠୁଛିପଡୁଛି । ରଥରେ ତିନି ଠାକୁରଙ୍କ ଦର୍ଶନ ପାଇଁ କାହିଁ କେତେ ଦୂରରୁ ଧାଇଁ ଆସୁଛି ଭକ୍ତ । ରଥରେ ଚକା ଆଖିକୁ ଦେଖି ଭକ୍ତ ବିଭୋର, ସାଆନ୍ତ ବି ଖୁସି । କିଏ ଅପଲୋକ ନୟନରେ ଚକା ଆଖିକୁ ଚାହିଁ ରହୁଛି ତ ଆଉ କିଏ ଦୁଖଃ ଜଣାଇ ବିଭୋର ହୋଇଯାଉଛି । ଚଳିତବର୍ଷ ରଥଯାତ୍ରାରେ ଚତୁର୍ଦ୍ଧାମୂରତିଙ୍କୁ ଦର୍ଶନ ପାଇଁ ଦୂରଦୂରାନ୍ତରୁ ଭକ୍ତଙ୍କ ସୁଅ ଛୁଟିଥିଲା । ଲକ୍ଷ ଲକ୍ଷ ଭକ୍ତଙ୍କ ଗହଣରେ କିଏ ଜଗାକୁ ଦର୍ଶନ କରି ଆନନ୍ଦ ଲାଭ କଲା ଆଉ କିଏ ଗହଳିରେ ମହାବାହୁଙ୍କ ଦର୍ଶନ ନପାଇ ଘରକୁ ଫେରିଲା । ଚଳିତବର୍ଷ ରଥଯାତ୍ରାରେ ଅନେକ ଫଟୋ ଭାଇରାଲ ହେଉଛି । କିନ୍ତୁ ଏ ଫଟୋଟି ଏବେ ସବୁଆଡୁ ପ୍ରଶଂସା ସାଉଁଟିବାରେ ଲାଗିଛି । ଜଣେ ସୁରକ୍ଷା କର୍ମୀ ନିଜ କାନ୍ଧ ଉପରେ ବୁଢି ମାଉସୀଙ୍କୁ ବସାଇ ରଥ ଉପରେ ମହାବାହୁଙ୍କ ଦର୍ଶନ କରାଇଦେଉଛନ୍ତି । ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୁରକ୍ଷାକର୍ମୀଙ୍କୁ ଭୁରିଭୁରି ପ୍ରଶଂସା କରୁଛନ୍ତି ସାଧାରଣ ଲୋକେ ।
