ଆଜି ଭାରତ ବନ୍ଦ । ସଂଯୁକ୍ତ କିଷାନ ମୋର୍ଚ୍ଚା ପକ୍ଷରୁ ଦେଶବ୍ୟାପୀ ଭାରତ ବନ୍ଦ ପାଳନ କରାଯାଉଛି । ତେବେ ଆନ୍ଦୋଳନବେଳେ ଘଟିଛି ଅଘଟଣ । ସିନ୍ଧୁ ବର୍ଡରରେ ଚାଷୀମାନେ ସେମାନଙ୍କ ଆନ୍ଦୋଳନ ଜାରି ରଖିଥିବାବେଳେ ଜଣେ ଚାଷୀଙ୍କର ମୃତ୍ୟୁ ଘଟିଛି । ହାର୍ଟ ଆଟାକରେ ମୃତ୍ୟୁ ହୋଇଛି ବୋଲି ପୋଲିସ କହୁଥିବାବେଳେ ପୋର୍ଷ୍ଟ ମର୍ଟମ ରିପୋର୍ଟକୁ ଅପେକ୍ଷା । କୃଷି ଆଇନ ପ୍ରତ୍ୟାହାର ଦାବିରେ ଏହି ଆନ୍ଦୋଳନକୁ ଓହ୍ଲାଇଛନ୍ତି ଅନ୍ନଦାତାମାନେ । କଂଗ୍ରେସ, ଆମ ଆଦମୀ ପାର୍ଟି, ସମାଜବାଦୀ ପାର୍ଟି, ଟିଡିପି, ବସପା, ଲେଫ୍ଟ ପାର୍ଟି ସ୍ୱରାଜ ଇଣ୍ଡିଆ ପ୍ରମୁଖ ରାଜନୈତିକ ଦଳ ଏହି ବନ୍ଦକୁ ସମର୍ଥନ ଜଣାଇଛନ୍ତି। ଟିଏମ୍ସି କୃଷକଙ୍କ ଦାବିକୁ ସମର୍ଥନ ଜଣାଇଥିବା ବେଳେ ଭାରତ ବନ୍ଦକୁ ନିଜ ସମର୍ଥନ ଦେଇନାହିଁ। ଆଜି ଭାରତ ବନ୍ଦ ଡାକରାକୁ ଦେଖି ଦିଲ୍ଲୀ, ୟୁପି ଓ ଆଖପାଖ ଅଞ୍ଚଳରେ ପୁଲିସ୍ ଆଲର୍ଟ ଜାରି କରାଯାଇଛି।
