ଆମେରିକା-ଇସ୍ରାଏଲ ଆକ୍ରମଣରେ ଇରାନର ସର୍ବୋଚ୍ଚ ନେତା ଅଲି ଖାମେନିଙ୍କ ମୃତ୍ୟୁ ପରେ ଇରାନ ଏହାର ନୂତନ କମାଣ୍ଡର-ଇନ୍-ଚିଫ୍ଙ୍କ ନାମ ଘୋଷଣା କରିଛି। ଅହମ୍ମଦ ଭାହିଦିଙ୍କୁ ଇସଲାମିକ୍ ରିଭୋଲ୍ୟୁସନାରୀ ଗାର୍ଡ କର୍ପସ ର ନୂତନ ଦାୟିତ୍ୱ ଦିଆଯାଇଛି। ଭାହିଦିଙ୍କୁ ଡିସେମ୍ବର ୩୧, ୨୦୨୫ରେ ଡେପୁଟି କମାଣ୍ଡର-ଇନ୍-ଚିଫ୍ ଭାବେ ନିଯୁକ୍ତ କରାଯାଇଥିଲା। ଭାହିଦି କୁଦସ୍ ଫୋର୍ସର ପ୍ରଥମ କମାଣ୍ଡର ଥିଲେ, ଯାହା ଇରାନ ବାହାରେ ସାମରିକ ଏବଂ ଗୁପ୍ତଚର କାର୍ଯ୍ୟ ଭାବେ କାର୍ଯ୍ୟ କରୁଥିଲେ । ଭାହିଦି ୨୦୦୯-୨୦୧୩ ପର୍ଯ୍ୟନ୍ତ ପ୍ରତିରକ୍ଷା ମନ୍ତ୍ରୀ ଭାବରେ କାର୍ଯ୍ୟ କରିଛନ୍ତି। ସେ ଏକ୍ସପେଡିଏନ୍ସି ଡିସର୍ନମେଣ୍ଟ କାଉନସିଲର ସଦସ୍ୟ ଏବଂ ସର୍ବୋଚ୍ଚ ଜାତୀୟ ପ୍ରତିରକ୍ଷା ବିଶ୍ୱବିଦ୍ୟାଳୟର ଅଧ୍ୟକ୍ଷ ମଧ୍ୟ ଥିଲେ। ଅହମଦ ୱାହିଦିଙ୍କ ଜନ୍ମ ଜୁନ୍ ୨୭, ୧୯୫୮ରେ ଇରାନର ଶିରାଜରେ ହୋଇଥିଲା। ୱାହିଦିଙ୍କୁ ଇରାନର ସାମରିକ ରଣନୀତିର ମାଷ୍ଟରମାଇଣ୍ଡ ବୋଲି ବିବେଚନା କରାଯାଏ। ୧୯୯୪ ମସିହାରେ ଆର୍ଜେଣ୍ଟିନାର ବ୍ୟୁନୋସ୍ ଆୟର୍ସରେ ଏକ ଯିହୂଦୀ କେନ୍ଦ୍ରରେ ହୋଇଥିବା ବିସ୍ଫୋରଣରେ ୮୫ ଜଣଙ୍କ ମୃତ୍ୟୁ ଘଟିଥିବା ଅଭିଯୋଗରେ ୱାହିଦି ଇଣ୍ଟରପୋଲର ରେଡ୍ ନୋଟିସ୍ ତାଲିକାରେ ଅଛନ୍ତି। ୱାହିଦିଙ୍କ ଉପରେ ଆମେରିକା ଏବଂ ୟୁରୋପୀୟ ସଂଘ ଅନେକ ପ୍ରତିବନ୍ଧକ ଲଗାଇଛି ଓ ଇରାନର ପରମାଣୁ କାର୍ଯ୍ୟକ୍ରମ ସହିତ ତାଙ୍କର ସମ୍ପର୍କ ଏବଂ ୨୦୨୨ ପ୍ରତିବାଦ ସମୟରେ ମାନବାଧିକାର ଉଲ୍ଲଂଘନରେ ତାଙ୍କର ଭୂମିକା ପାଇଁ ଏହି ପ୍ରତିବନ୍ଧକ ଲଗାଯାଇଛି।
