ଟୁରିଷ୍ଟ କାର୍ ଧକ୍କାରେ ସାଇକେଲ ଆରୋହୀ ମୃତ

ପିପିଲି-କୋଣାର୍କ ରାସ୍ତାର ବେଗୁନିଆଠାରେ ମର୍ମନ୍ତୁଦ ସଡକ ଦୁର୍ଘଟଣା . ଟୁରିଷ୍ଟ କାର୍ ଧକ୍କାରେ ଜଣେ ସାଇକେଲ ଆରୋହୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି. ସୂଚନା ଅନୁସାରେ, ପାଟେଳିଆ ଗାଁର ରବିନ୍ଦ୍ର ଭୋଇ ନାମକ ଜଣେ ବ୍ୟକ୍ତି ସାଇକେଲରେ ବେଗୁନିଆ ଆସୁଥିଲେ. ମାତ୍ର ବାଟରେ କୋଣାର୍କ ଯାଉଥିବା ଟୁରିଷ୍ଟ କାରଟି ଭାରସାମ୍ୟ ହରାଇ ଉକ୍ତ ସାଇକେଲ ଆରୋହୀକୁ ଧକ୍କା ଦେଇଥିଲା. ଘଟଣାସ୍ଥଳରେ ସ୍ଥାନୀୟ ଲୋକେ ପହଞ୍ଚି ରବୀନ୍ଦ୍ରଙ୍କୁ ଉଦ୍ଧାର କରିଥିଲେ. ପରେ ଖବର ପାଇ ଗୋପ ଅଗ୍ନିଶମ ବିଭାଗ ତାଙ୍କୁ ଗୋପ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ. ମାତ୍ର ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ.