୭କେଜି ୫ଶହ ଗ୍ରାମ ଗଞ୍ଜେଇ ଜବତ

ଅଭିନବ ଢଙ୍ଗରେ ଗଞ୍ଜେଇ ଚାଲାଣ । ବ୍ୟାଗରୁ ଜବତ ହେଲା ୭ କେଜି ୫ ଶହ ଗ୍ରାମ ଗଞ୍ଜେଇ । ରାୟଗଡା ଜିଆରପି ଓ ଆରପିଏଫଙ୍କ ଦ୍ୱାରା ପାଟ୍ରୋଲିଂ ଚାଲୁଥିବା ସମୟରେ କଳା ବ୍ୟାଗ ଧରି ବସିଥିବା ଜଣେ ଯୁବକଙ୍କୁ ସନ୍ଦେହ କରାଯାଇଥିଲା । ଯାଞ୍ଚ କରିବା ବେଳେ ବ୍ୟାଗରୁ ଗଞ୍ଜେଇ ବାହାରିଥିଲା । ପରେ ତାକୁ ଆରପିଏଫ ଥାନାରେ ଅଟକ ରଖାଯାଇ ପଚରାଉଚୁରା କରିବା ପରେ ଗଞ୍ଜେଇ ଖୋର୍ଦ୍ଧାକୁ ଚୋରା ଚାଲାଣ ହେଉଥିବା ଜଣାପଡିଥିଲା । ଜବତ ଗଞ୍ଜେଇର ଆନୁମାନିକ ମୂଲ୍ୟ ୫୦,୦୦୦ ଟଙ୍କା । ଅଟକ ଯୁବକର ନା ଯୀଶୁକୃଷ୍ଣ ପରିଡା । ତେବେ ଥାନାରେ ମାମଲା ରୁଜୁ ହୋଇଛି । ଶୁକ୍ରବାର କୋର୍ଟ ଚାଲାଣ କରାଯିବ ବୋଲି ଜିଆରପି ଡିଏସପି କୈଳାସଚନ୍ଦ୍ର ବୁର୍ଦା ସୂଚନା ଦେଇଛନ୍ତି ।