ଆଉ ନାହାଁନ୍ତି ବରିଷ୍ଠ ନେତା ବେଦ ପ୍ରକାଶ ଅଗ୍ରୱାଲ । ବେଦ ପ୍ରକାଶ ପାଟକୁରାରେ ବିଜେଡି ବିଧାୟକ ପ୍ରାର୍ଥୀ ହୋଇଥିଲେ । ବେଦ ପ୍ରକାଶଙ୍କ ବିୟୋଗରେ ରାଜ୍ୟ ରାଜନୀତିରେ ଗୋଟେ ଅପୁରଣୀୟ କ୍ଷତି ହୋଇଥିବାବେଳେ ପାଟକୁରା ନିର୍ବାଚନକୁ ନେଇ ଏବେ ସାଧାରଣରେ ଚର୍ଚ୍ଚାର ବିଷୟ ହୋଇଛି । ଏନେଇ ମୁହଁ ଖୋଲିଛନ୍ତି ବିଜେପି ବିଧାୟକ ପ୍ରାର୍ଥୀ ବିଜୟ ମହାପାତ୍ର । ବେଦ ପ୍ରକାଶ ଅଗ୍ରୱାଲଙ୍କ ବିୟୋଗରେ ଶୋକ ପ୍ରକାଶ କରି ବେଦୁଙ୍କ ପ୍ରତି ଅନ୍ୟାୟ ହୋଇଛି ବୋଲି ବିଜୟ ମହାପାତ୍ର କହିଛନ୍ତି । ଗତ ୩ ମାସ ଧରି ଚିକିସôିତ ହେଉଥିଲେ । ନିର୍ବାଚନ ତାରିଖ ଘୋଷଣା ପୂର୍ବରୁ ସେ ଶର୍ଯ୍ୟାଶାୟୀ ଥିଲେ । ଯେଉଁମାନେ ତାଙ୍କୁ ନିର୍ବାଚନରେ ଛିଡା କରାଇଥିଲେ । ସେମାନେ ତାଙ୍କ ପ୍ରତି ନ୍ୟାୟ କରିନଥିଲେ । ସେ ରୋଗ ଶର୍ଯ୍ୟାରେ ଥିଲେ ମଧ୍ୟ ତାଙ୍କୁ ଟିକେଟ ଦେଇ ବିଜେଡି ତାଙ୍କ ପ୍ରତି ନ୍ୟାୟ କରିନି । ଏଥିସହ ତାଙ୍କ ପରଲୋକରେ ସେ ବ୍ୟକ୍ତିଗତ ଭାବେ ମର୍ମାହତ ବୋଲି କହିଛନ୍ତି ।
