ଘର କାନ୍ଥ ପଡି ରାୟଗଡାରେ ଜଣେ ବୃଦ୍ଧଙ୍କର ମୃତୁ୍ୟ ହୋଇଛି । ଏଥିରେ ଦୁଇ ଜଣ ଗୁରୁତର ଆହତ ହୋଇଛନ୍ତି । ମୃତକ ହେଲେ କାଶୀପୁର ବ୍ଲକ ପଣସଗୁଡା ଗାଁର ସମ୍ବାରୁ ମାଝୀ (୬୦) । ଘଟଣାରେ ସମ୍ବାରୁ ମାଝୀଙ୍କ ପତ୍ନୀ ଗୁରୁତର ଆହତ ହୋଇଛନ୍ତି । ଉଭୟଙ୍କୁ କାଶୀପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିସôା ପାଇଁ ଭର୍ତ୍ତି କରାଯାଇଛି । ଗତକାଲି ରାତିରେ ଶୋଇଥିବାବେଳେ ଘରର କାନ୍ଥଟି ହଠାତ୍ ପଡିଯାଇଥିଲା । ଫଳରେ ତିନିଜଣ କାନ୍ଥ ତଳେ ଚାପି ହୋଇ ରହିଯାଇଥିଲେ । ଘଟଣାସ୍ଥଳରେ ହିଁ ସାମ୍ବରୁ ମାଝୀଙ୍କର ମୃତୁ୍ୟ ହୋଇଥିଲା । ଖବରପାଇ ଅଗ୍ନିଶମ ବିଭାଗର କର୍ମଚାରୀମାନେ ଗ୍ରାମବାସୀଙ୍କ ସହାୟତାରେ ମୃତ ଦେହକୁ ଉଦ୍ଧାର କରିଥିଲେ । ଗତ ଦୁଇ ଦିନ ଧରି କାଶୀପୁର ଅଞ୍ଚଳରେ ଲଗାଣ ବର୍ଷା ଯୋଗୁଁ ପୁରୁଣା କାନ୍ଥଟି ଭୁଶୁଡି ପଡିଥିବା ଜଣାପଡିଛି ।
