ଇଲେକ୍ଟ୍ରି ତାର ଛିଡି ଜଣେ ମୃତ୍ୟୁବରଣ କରିଥିବାବେଳେ ଅନ୍ୟଜଣେ ଗୁରୁତର ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି । ଏପରି ଦୁଃଖଦ ଘଟଣା ଘଟିଛି ରାୟଗଡା ଜିଲ୍ଲା ବିଷମକଟକ ଥାନା ଅନ୍ତର୍ଗତ ଉର୍ଲାଯୋଡି ଗାଁରେ । ମୃତକ ହେଲେ ଶୁଙ୍କପାଡି ଗାଁର ପୁରୁ ପିଡିକାକା । ଆହତ ଦାସରୀ କୁଟ୍ରୁକାକୁ ଗୁରୁତର ଅବସ୍ଥାରେ ବିଷମକଟକର ଏକ ଘରୋଇ ମେଡିକାଲରେ ଭର୍ତ୍ତି କରାଯାଇଛି । ଆଜି ସଂନ୍ଧ୍ୟାରେ ଏହି ଦୁଇଜଣ ସାଇକେଲ ଯୋଗେ ଆସୁଥିବାବେଳେ ଉର୍ଲାଯୋଡି ଗାଁର ଅଙ୍ଗନୱାଡି କେନ୍ଦ୍ର ନିକଟରେ ହଠାତ୍ ଇଲେକ୍ଟ୍ରି ତାର ଛିଡି ଯାଇଥିଲା । ଫଳରେ ତାର ଲାଗି ଘଟଣାସ୍ଥଳରେ ହିଁ ପୁରୁ ମୃତ୍ୟୁବରଣ କରିଛନ୍ତି । ତେବେ କ୍ଷତିପୂରଣ ଦାବି ନେଇ ଲୋକେ ଗାଁରେ ଶବ ରଖିଥିଲେ । ବିଷମକଟକ ଥାନା ପୋଲିସ ଗ୍ରାମରେ ପହଁଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିଥିଲେ ।
