ମିଆଁମାର ଭୂମିକମ୍ପରେ ୧୦ ହଜାର ଛୁଇଁବ ମୃତକଙ୍କ ସଂଖ୍ୟା । ଏଭଳି ଆଶଙ୍କା କରିଛି ଆମେରିକାର ଜିଓଲୋଜିକାଲ ସର୍ଭେ ସଂସ୍ଥା । ଏଯାଏଁ ୧ ହଜାରରୁ ଅଧିକ ଲୋକଙ୍କର ମୃତ୍ୟୁ ହୋଇଥିବାର ସୂଚନା ମିଳିଛି । ଭୂମିକମ୍ପରେ ୨ହଜାର ୩ଶହରୁ ଅଧିକ ଆହାତ ହୋଇଛନ୍ତି । ଏବେବି ଧ୍ୱସାଂବିଶେଷ ତଳେ ଆହୁରି ଅନେକ ଲୋକ ଚାପି ହୋଇରହିଥିବାର ଆଶଙ୍କା କରାଯାଉଛି । ଭୂମିକମ୍ପ ପ୍ରଭାବିତ ଅଞ୍ଚଳରେ ଉଦ୍ଧାର କାର୍ଯ୍ୟ ଜାରି ରହିଛି । ରାଜଧାନୀ ନାପିଦାରେ ମଶାଣୀଭୁଇଁ ସଦୃଶ୍ୟ ରୂପ ନେଇଛି । ଗତକାଲିର ଏ ପ୍ରଳୟଙ୍କାରୀ ବିପର୍ଯ୍ୟୟ ପରେ ମିଆଁମାରର ଦେଶରେ ଜରୁରୀକାଳୀନ ପରିସ୍ଥିତି ଜାରି କରିଛନ୍ତି । ବିଶ୍ୱର ଯେକୌଣସି ରାଷ୍ଟ୍ର ଯେ କୌଣସି ପ୍ରକାରର ସହାୟତା ପାଇଁ ଆଗେଇ ଆସିବାକୁ ସେ ନିବେଦନ କରିଛନ୍ତି । ଏପଟେ ଭାରତ ଉଭୟ ଦେଶକୁ ସବୁ ପ୍ରକାର ସହାୟତା ଲାଗି ଭରସା ଦେଇଛନ୍ତି ପ୍ରଧାନମନ୍ତ୍ରୀ ମୋଦୀ । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସହାୟତା ପାଇଁ ପତିଶ୍ରୁତି ଦେଇଛନ୍ତି । ସେହିପାରିୀ ୟୁରୋପିୟ ଦେଇ ଗୁଡିକ ସହାୟତା ପାଇଁ ଆଗେଇ ଆସିଛନ୍ତି । ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ପକ୍ଷରୁ ବହୁ ମେଡିକାଲ ସାମଗ୍ରୀ ମିଆଁମାର ପଠାଯାଉଛି । ମିଆଁମାରକୁ ସହାୟତାର ହାତ ବଢାଇଛି ଭାରତ । ବାୟୁସେନାର ଏକ ସ୍ୱତନ୍ତ୍ର ବିମାନ ଯୋଗେ ୧୫ ଟନରୁ ଅଧିକ ରିଲିଫ ସାମଗ୍ରୀ ପଠାଯାଇଛି । ସେହିପରି ତମ୍ବୁ,କମ୍ବଳ, ଖାଦ୍ୟ, ଜଳ ବିଶୋଧନ, ସ୍ୱାସ୍ଥ୍ୟ କିଟ୍, ସୌର ଲ୍ୟାମ୍ପ, ଜେନେରେଟର ସେଟ୍ ସହ ଅତ୍ୟାବଶ୍ୟକ ଔଷଧ ସାମଗ୍ରୀ ମଧ୍ୟ ପଠାଯାଇଛି । ପ୍ରଧାନମନ୍ତ୍ରୀ ମୋଦି ମିଆଁମାର ହୋଇଥିବା ଭୂକମ୍ପ ଏବଂ ଏହା ପରର ସ୍ଥିତି ନେଇ ଚିନ୍ତା ପ୍ରକଟ କରିଛନ୍ତି ।
ମିଆଁମାର ଓ ଥାଇଲ୍ୟାଣ୍ଡରେ ଶକ୍ତିଶାଳୀ ଭୂକମ୍ପ ଯୋଗୁଁ ଭୀଷଣ ବିପର୍ଯ୍ୟୟ ଆସିଛି । ମିଆଁମାରରେ ଅନେକ ସୁଉଚ୍ଚ ଅଟ୍ଟାଳିକା ଆଖି ପିଛୁଳାକେ ମାଟିରେ ମିଶିଯାଇଛି । ଭୂକମ୍ପର ପ୍ରଭାବ ଏତେ ଅଧିକ ଥିଲା ଯେ ଏହା ୯୦୦ କିମି ଦୂରରେ ଥିବା ପଡ଼ୋଶୀ ଥାଇଲ୍ୟାଣ୍ଡର ରାଜଧାନୀ ବ୍ୟାଙ୍କକ୍ରେ ମଧ୍ୟ ବ୍ୟାପକ କ୍ଷୟକ୍ଷତି ଘଟିଛି । ଭାରତରେ ମେଘାଳୟ, ମଣିପୁର, ଦିଲ୍ଲୀ, ଉତ୍ତରପ୍ରଦେଶ ଏବଂ ପଶ୍ଚିମବଙ୍ଗରେ ଭୂକମ୍ପର ଝଟ୍କା ଅନୁଭୂତ ହୋଇଛି । ବାଂଲାଦେଶ, ଭିଏତ୍ନାମ ଏବଂ ଚୀନ୍ର ଦକ୍ଷିଣପଶ୍ଚିମ ୟୁନାନ୍ ପ୍ରଦେଶରେ ମଧ୍ୟ ଭୂକମ୍ପର ତୀବ୍ର ଝଟ୍କା ଅନୁଭୂତ ହୋଇଛି ।
