ତୁର୍କୀର ବାଲିକେସିର ପ୍ରଦେଶରେ ସୋମବାର ରାତିରେ ଶକ୍ତିଶାଳୀ ଭୂମିକମ୍ପ ହୋଇଥିଲା, ଯାହା ଫଳରେ ତିନୋଟି କୋଠା ଭୁଶୁଡ଼ି ପଡ଼ିଛି। ରିକ୍ଟର ସ୍କେଲରେ ଏହି ଭୂମିକମ୍ପର ତୀବ୍ରତା ୬.୧ ଥିଲା। ଭୂମିକମ୍ପର କେନ୍ଦ୍ରସ୍ଥଳ ସିନ୍ଦିର୍ଗି ସହର ଥିଲା।ଏହା ରାତି ୧୦ଟା ୪୮ରେ ୬ କିଲୋମିଟର ଗଭୀରତାରେ ହୋଇଥିଲା। ପରବର୍ତ୍ତୀ ଭୂମିକମ୍ପ ଇସ୍ତାନବୁଲ, ବୁର୍ସା, ମାନିସା ଏବଂ ଇଜମିରରେ ଅନୁଭୂତ ହୋଇଥିଲା । ଗୃହମନ୍ତ୍ରୀ ଅଲି ୟେର୍ଲିକାୟା କହିଛନ୍ତି ଯେ ସିନ୍ଦିର୍ଗିରେ ତିନୋଟି ଖାଲି କୋଠା ଏବଂ ଏକ ଦୁଇ ମହଲା ଦୋକାନ ଭୁଶୁଡ଼ି ପଡ଼ିଥିଲା, ଯାହା ପୂର୍ବରୁ କ୍ଷତିଗ୍ରସ୍ତ ହୋଇଥିଲା। ଭୂମିକମ୍ପରେ ୨୨ ଜଣ ଆହତ ହୋଇଛନ୍ତି। ବାଲିକେସିର ରାଜ୍ୟପାଳ ଇସମାଇଲ୍ ଉସ୍ତାଓଗ୍ଲୁ କହିଛନ୍ତି ଯେ କୌଣସି ମୃତ୍ୟୁ ଖବର ମିଳିନାହିଁ। ଭୂମିକମ୍ପ ପରେ ଅନେକ ଲୋକ ଘରକୁ ଫେରିବାକୁ ଭୟଭୀତ ହୋଇ ଖୋଲା ଆକାଶ ତଳେ ରାତି କାଟୁଛନ୍ତି। ଅନେକ ସହରରେ ବର୍ଷା ଆରମ୍ଭ ହୋଇଥିବାରୁ ଚିନ୍ତା ଆହୁରି ବଢ଼ିଛି। ଲୋକମାନଙ୍କ ପାଇଁ ମସଜିଦ, ସ୍କୁଲ ଓ କ୍ରୀଡା ହଲ୍ ଖୋଲା ରଖାଯାଇଛି। ଅଗଷ୍ଟ ମାସରେ ସିନ୍ଦିର୍ଗିରେ ମଧ୍ୟ ୬.୧ ତୀବ୍ରତାର ଭୂମିକମ୍ପ ହୋଇ ଜଣେ ମୃତ ଓ ଅନେକ ଆହତ ହୋଇଥିଲେ। ପରେ ଛୋଟ ଛୋଟ ଭୂମିକମ୍ପ ମଧ୍ୟ ଅନୁଭୂତ ହୋଇଥିଲା।
