ପ୍ରବର୍ତ୍ତନ ନିର୍ଦ୍ଦେଶାଳୟ, ଝାଡ଼ଖଣ୍ଡ ଏବଂ ପଶ୍ଚିମବଙ୍ଗରେ କୋଇଲା ମାଫିଆମାନଙ୍କୁ ନିଶାନା କରି କାର୍ଯାନୁଷ୍ଠାନ ଜାରି କରିଛି । ଇଡି ୪୦ରୁ ଅଧିକ ସ୍ଥାନରେ ଏକସଙ୍ଗରେ ଚଢାଉ କରିଛି। ଅଧିକାରୀଙ୍କ ଅନୁଯାୟୀ, ପଶ୍ଚିମବଙ୍ଗର ଦୁର୍ଗାପୁର, ପୁରୁଲିଆ, ହାୱଡା ଏବଂ କୋଲକାତାର ୨୪ଟି ଜାଗାରେ ବେଆଇନ କୋଇଲା ଖଣି,ପରିବହନ ଏବଂ ସଂରକ୍ଷଣ ମାମଲାରେ ତଲାସ କରୁଛି। ମାମଲାକୁ ନେଇ ଏବେ ତଦନ୍ତ ଚାଲିଛି। ପ୍ରାଥମିକ ସୂଚନା ଅନୁଯାୟୀ, ଶୁକ୍ରବାର ସକାଳଠାରୁ ଇଡି ନରେନ୍ଦ୍ର ଖାରକା, ଅନିଲ ଗୋୟଲ, ଯୁଧିଷ୍ଠିର ଘୋଷ, କୃଷ୍ଣ ମୁରାରୀ କୟାଲ ଏବଂ ଅନ୍ୟମାନଙ୍କ କାର୍ଯ୍ୟାଳୟରେ ତଲାସ କରୁଛି। ପ୍ରବର୍ତ୍ତନ ନିର୍ଦ୍ଦେଶାଳୟ ଅଧିକାରୀମାନେ ଝାଡ଼ଖଣ୍ଡର ୧୮ଟି ସ୍ଥାନରେ ତଲାସ କରୁଛନ୍ତି। ଏହି ଚଢାଉ ଅନିଲ ଗୋୟଲ, ସଞ୍ଜୟ ଉଦ୍ୟୋଗ, ଏଲବି ସିଂହ ଏବଂ ଅମର ମଣ୍ଡଳଙ୍କ ସମେତ ଅନେକ ପ୍ରମୁଖ କୋଇଲା ଚୋରି ଏବଂ ଚୋରା ଚାଲାଣ ମାମଲା ସହିତ ଜଡିତ। ଏହି ମାମଲାଗୁଡ଼ିକୁ ଏକାଠି ନିଆଯାଇ, ଗୁରୁତ୍ୱପୂର୍ଣ୍ଣ କୋଇଲା ଚୋରି ଏବଂ ଚୋରି ଜଡିତ, ଯାହା ଫଳରେ ସରକାରଙ୍କୁ ଶହ ଶହ କୋଟି ଟଙ୍କାର ଆର୍ଥିକ କ୍ଷତି ହୋଇଛି।
