ଭୁବନେଶ୍ୱର: ଦେଶର ସର୍ବଶ୍ରେଷ୍ଠ ଓକିଲ ତାଲିକାରେ ଓଡିଆ ଝିଅ ରାଜଦୀପା ବେହୁରା | ବିଡ଼ବ୍ଲ୍ୟୁ ଲିଗାଲ ୱାର୍ଲଡର ଇନଫ୍ଲୁଏନସଆଲ ବା ପ୍ରଭାବଶାଳୀ ମହିଳା ଓକିଲ ତାଲିକାରେ ସେ ସ୍ଥାନ ପାଇଛନ୍ତି । ଦେଶର ଏହି ସର୍ବଶ୍ରେଷ୍ଠ ଓକିଲ ତାଲିକାରେ ସ୍ଥାନ ପାଇବାରେ ପ୍ରଥମ ଓଡିଆ ଭାବେ ସେ ଗୌରବ ହାସଲ କରିଛନ୍ତି । ରାଜଦୀପାଙ୍କ ସମେତ ଏହି ତାଲିକାରେ ସୁପ୍ରିମକୋର୍ଟର ପୂର୍ବତନ ବିଚାରପତି ଜଷ୍ଟିସ ଜ୍ଞାନ ସୁଧା ମିଶ୍ର, ଜଷ୍ଟିସ ଇନ୍ଦିରା ବାନାର୍ଜି, ଜଷ୍ଟିସ ଇନ୍ଦୁ ମଲହୋତ୍ରା, ଜଷ୍ଟିସ ଆର ବାନୁମତି, ଅଷ୍ଟମ ପେ କମିସନର ଅଧ୍ୟକ୍ଷା ଜଷ୍ଟିସ ଆର ପି ଦେଶାଇ ପ୍ରମୁଖ ଏହି ତାଲିକାରେ ସ୍ଥାନ ପାଇଛନ୍ତି । ଦିଲ୍ଲୀ ହାଇକୋର୍ଟ ତାଙ୍କୁ ଦିଲ୍ଲୀ ଅବକାରୀ ନୀତି ମାମଲାରେ ଜଷ୍ଟିସ ସ୍ଵର୍ଣ୍ଣକାନ୍ତ ଶର୍ମାଙ୍କ ସମ୍ପର୍କରେ ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରୀୱାଲଙ୍କ ସମେତ ଅନ୍ୟମାନଙ୍କ ବିରୋଦ୍ଧରେ ଦାଏର କରିଥିବା ମାମଲାରେ ତାଙ୍କୁ ଆମିକସକ୍ୟୁରି ନିଯୁକ୍ତି କରିଛନ୍ତି । ପୂର୍ବରୁ ସେ ଦିଲ୍ଲୀ ସରକାରଙ୍କ ଅତିରିକ୍ତ ଷ୍ଟାଣ୍ଡିଂ କାଉନସିଲ ଭାବେ କାର୍ଯ୍ୟ କରିବା ସହିତ ସିବିଆଇର ସ୍ୱତନ୍ତ୍ର ପବ୍ଲିକ ପ୍ରୋସିକ୍ୟୁଟର ଭାବେ କାର୍ଯ୍ୟକରି ଅନେକ ଗୁରୁତ୍ୱପୂର୍ଣ୍ଣ ମାମଲାର ପରିଚାଳନା କରିଛନ୍ତି । ପୂର୍ବରୁ ସେ ଓଡିଶା ସରକାରଙ୍କ ପାଇଁ ଏନଜିଟିର ପ୍ରନସିପାଲ ବେଞ୍ଚ ସମେତ ସୁପ୍ରିମକୋର୍ଟରେ ସ୍ପେସିଆଲ କାଉନସେଲ ରହିବା ସହିତ ବର୍ତ୍ତମାନ ଓଡିଶା ସରକାରଙ୍କ ପାଇଁ ସୁପ୍ରିମକୋର୍ଟରେ ପ୍ୟାନେଲ କାଉନସେଲ ଅଛନ୍ତି । ଏହା ସହ ସେ ଦିଲ୍ଲୀ ଇଣ୍ଟରନେସନାଲ ଆର୍ବିଟେସନ ସେଣ୍ଟରର ଜଣେ ପ୍ରମୁଖ ବ୍ୟକ୍ତି ଭାବେ ଭୂମିକା ନିର୍ବାହ କରୁଛନ୍ତି । ବିଡ଼ବ୍ଲ୍ୟୁ ଲିଗାଲ ୱାର୍ଲଡ ପକ୍ଷରୁ କୋର୍ଟ,ଲ ଫାର୍ମ, ଇନ ହାଉସ ଆଇନଗତ ଦଳ,ଲ ସ୍କୁଲ, ମଧ୍ୟସ୍ଥତା ଓ ମଧ୍ୟସ୍ଥତା ସମ୍ପ୍ରଦାୟ ଓ ଆଇନଗତ ପ୍ରଯୁକ୍ତିବିଦ୍ୟା ପ୍ରଭୂତି ଇକୋସିଷ୍ଟମରୁ ଶ୍ରେଷ୍ଠ ୩୨୫ ଜଣଙ୍କୁ ଚୟନ କରାଯାଇଛି । ତାଲିକାକୁ ୮ଟି ବର୍ଗିକରଣ କରାଯାଇଛି ।













