ହକି ପାଇଁ ଆରମ୍ଭ ହେଲା ମେଗା ପବ୍ଲିସିଟି କ୍ୟାମ୍ପେନ

ରାଜଧାନୀ ଭୁବନେଶ୍ୱରକୁ ଦେଶର ସ୍ପୋର୍ସ କ୍ୟାପିଟାଲ ରୂପରେ ଦେଖିବା ପାଇଁ  ପ୍ରୟାସ ଆରମ୍ଭ କରିଛନ୍ତି ଓଡିଶା ସରକାର. ଯାହାର ପ୍ରଚାର ପ୍ରସାର ପାଇଁ  ସରକାର ଗୋଟିଏ ବି ସୁଯୋଗକୁ ହାତଛଡା କରୁନାହାନ୍ତି. ହକି ବିଶ୍ୱ କପ୍ ର ପ୍ରଚାର ପାଇଁ ସରକାର ସୋସିଆଲ ମିଡିଆକୁ ଅସ୍ତ୍ର ରୂପେ ଗ୍ରହଣ କରିଛନ୍ତି ଓ ତାହାର ସୁବିନିଯୋଗ ମଧ୍ୟ କରୁଛନ୍ତି. ଓଡିଶା ପୁରୁଷ ହକି ବିଶ୍ୱ କପ୍ ରେ ସବୁ ବର୍ଗର ଲୋକ ସାମିଲ ହେବା ସହ ବିଭିନ୍ନ ଦେଶ ଓ ବିଭିନ୍ନ ଶ୍ରେଣୀର ଲୋକଙ୍କୁ ମଧ୍ୟ ଦେଖିବାକୁ ମିଳିବ. ଯାହାକୁ ନେଇ ଏବେଠୁ ସମସ୍ତଙ୍କ ମଧ୍ୟରେ ହକି ଫିଭର ଦେଖିବାକୁ ମିଳୁଛି ଏବଂ ଏହାକୁ ସମସ୍ତଙ୍କ ପାଖରେ ନାଚ, ଗୀତ, ମନୋରଞ୍ଜନ ଓ ଖେଳ ମାଧ୍ୟମରେ ପହଞ୍ଚାଇବା ପାଇଁ ପ୍ରଚାର କରାଯାଉଛି. ଯୁବ ସେବା ଏବଂ ରାଜ୍ୟ ପର୍ଯ୍ୟଟନ ବିଭାଗ ତରଫରୁ ଓଡିଶାରେ ଲୁଚି ରହିଥିବା କଳା, ସଂସ୍କୃତି ଓ ସୌନ୍ଦର୍ଯ୍ୟକୁ ଭିଡିଓ ମାଧ୍ୟମରେ ସୋସିଆଲ ମିଡିଆରେ ଅପଲୋଡ କରାଯାଉଛି.