ଆଉ ମୁଲ ଲାଗିବନି ଇଫୁ ମଲ୍ଲିକ । ଡାକ୍ତରୀ ପାଠ ପଢୁଥିବା ମେଧାବୀ ଛାତ୍ର ଆଉ ବିଲକୁ ଯାଇ ଧାନ କାଟିବନି କି ମୁଲ ଲାଗିବନି । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ଇଫୁଙ୍କୁ ଡାକରା ଆସିଛି ।
ବାଲିଗୁଡା ବ୍ଲକ ବାଗ୍ରାମିଲା ଗାଁର ଇଫୁ ମଲିକ ନିଟ୍ରେ କୃତକାର୍ଯ୍ୟ ହେବାପରେ କୋରାପୁଟ ସ୍ଥିତ ଶହିଦ ଲକ୍ଷ୍ମଣ ନାଏକ ମେଡିକାଲ କଲେଜରେ ପାଠ ପଢୁଛନ୍ତି । ମାତ୍ର ଡାକ୍ତରୀ ପାଠ ପଢିବା ପାଇଁ ବାଧକ ସାଜିଛି ଅର୍ଥ । ପାଠ ପଢା ଖର୍ଚ୍ଚ ଉଠାଇବା ପାଇଁ ଇଫୁ ମୂଲ ଲାଗୁଥିଲେ । ଏ ଖବର ପ୍ରସାରଣ ହେବା ପରେ ଇଫୁଙ୍କୁ ସହାୟତାର ହାତ ବଢାଇଥିଲା ପ୍ରଶାସନ । ୬୨୯୫୦ ଟଙ୍କା ପ୍ରଶାସନ ପକ୍ଷରୁ ଇଫୁଙ୍କୁ ପ୍ରଦାନ କରାଯାଇଥିଲେ ହେଁ ତାଙ୍କର ସମ୍ପୂର୍ଣ୍ଣ ପାଠପଢା ଖର୍ଚ୍ଚ ବହନ କରିବା ପାଇଁ ମୁଖ୍ୟମନ୍ତ୍ରୀଙ୍କ ଅଫିସରୁ ଫୋନ ଯାଇଛି । ଆଜି ମୁଖ୍ୟମନ୍ତ୍ରୀଙ୍କୁ ନିଜେ ଭେଟିବେ ଇଫୁ ।
