ଆଜି ଶ୍ରୀପଞ୍ଚମୀ । କରୋନା କଟକଣା ଭିତରେ ଶିକ୍ଷାନୁଷ୍ଠାନ ଗୁଡିକରେ ସରସ୍ୱତୀ ପୂଜା ପାଇଁ ଅନୁମତି ମିଳିଛି । ସିମିତ ଛାତ୍ରଙ୍କୁ ନେଇ ପୂଜା ପାଳନ ହେଉଛି । କୋଭିଡ ନିୟମ ପାଳନ କରି ପିଲାମାନେ ପୂଜାରେ ସାମିଲ ହେବେ । ତେବେ ସ୍କୁଲ ଏବଂ ଶିକ୍ଷାନୁଷ୍ଠାନକୁ ବାଦ ଦେଲେ ସର୍ବସାଧାରଣ ସ୍ଥାନରେ ସରସ୍ୱତୀ ପୂଜା ପାଳନ ହୋଇପାରିବ ନାହିଁ । କୋଭିଡ କଟକଣା ମାନି ଘରେ ପୂଜା କରିବା ପାଇଁ ଗାଇଡଲାଇନ୍ରେ କୁହାଯାଇଛି । ପୂଜା ଓ ଅନ୍ୟ ଉତ୍ସବରେ ଭୋଜି ଭାତ ଆୟୋଜନକୁ ବି ମନା କରାଯାଇଛି । ସେହିଭଳି ସରସ୍ୱତୀ ପୂଜାରେ କୌଣସି ସଙ୍ଗୀତ ଭିତିକ କିମ୍ବା ମନୋରଞ୍ଜନ କାର୍ଯ୍ୟକ୍ରମର ଆୟୋଜନ କରାଯାଇପାରିବ ନାହିଁ ।
