ଆନ୍ଧ୍ରପ୍ରଦେଶର ମଞ୍ଜୁଷା ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି | ଭାରସାମ୍ୟ ହରାଇ କାର୍ କଲ୍ଭର୍ଟରେ ପିଟି ହେବା ପରେ ରାସ୍ତାରେ ଓଲଟି ପଡିଥିଲା | ଫଳରେ ଏହି ଦୁର୍ଘଟଣାରେ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତରଭାବେ ଆହତ ହୋଇଛନ୍ତି | ସମସ୍ତ ମୃତକ ଭୁବନେଶ୍ୱର ଏବଂ ଗୋଟିଏ ପରିବାରର ବୋଲି ଜଣାପଡିଛି | ମୃତକମାନେ ହେଲେ ତ୍ରିଲୋଚନ ଜେନା, ବନିତା ଜେନା, ଆଦର୍ଶ ଜେନା, ପ୍ରତାପ ଜେନା, ରିତୁ ଜେନା ଓ ଅନ୍ୟଜଣଙ୍କ ପରିଚୟ ମିଳିନଥିବା ବେଳେ କାର୍ ଡ୍ରାଇଭରଙ୍କ ଅବସ୍ଥା ଗୁରୁତର ରହିଛି | ତାଙ୍କୁ ପଲାସା ଡାକ୍ତରଖାନାରେ ଭର୍ତ୍ତି କରାଯାଇଛି |
ସୂଚନା ଅନୁଯାୟୀ,ଏମାନେ ସମସ୍ତେ କାର୍ ଯୋଗେ ଆନ୍ଧ୍ର ପ୍ରଦେଶର ସୀମାଞ୍ଚଳମ୍କୁ ବୁଲିବାକୁ ଯାଇଥିଲେ | ଆଜି ସକାଳେ ଓଡ଼ିଶା ଫେରିଲା ବେଳେ ମଞ୍ଜୁଷା ନିକଟରେ ଏହି ଦୁର୍ଘଟଣା ଘଟିଥିଲା | ସେମାନଙ୍କ କାର୍ କଲ୍ଭର୍ଟରେ ପିଟି ହୋଇ ରାସ୍ତାକଡ଼ରେ ଥିବା କେନାଲରେ ଓଲଟି ପଡ଼ିଥିଲା | ମୃତ ସମସ୍ତେ ଭୁବନେଶ୍ୱର ବୋଲି ଜଣାପଡିଛି |
