ନନ୍ଦିନୀ ମୃତ୍ୟୁ ପାଇଁ ଦାୟୀ କିଏ?

ବିଦ୍ୟୁତ  ତାର ସଂସ୍ପର୍ଶରେ ଆସି ଚାଲିଗଲା ନୀରିହ ଜୀବନ । ସବୁଦିନ ଭଳି ନନ୍ଦିନୀ ସ୍କୁଲ ଯାଏ ଏବଂ ସାଙ୍ଗମାନଙ୍କ ସହ ଖେଳାବୁଲା କରେ । ହେଲେ ଗତକାଲି ରାତିରେ ଖାଇ ସାରିବା ପରେ ହଷ୍ଟେଲକୁ ଫେରିବା ବାଟରେ କାନ୍ଥକୁ ଝୁଲିଥିବା ବିଦ୍ୟୁତ ତାର ସଂସ୍ପର୍ଶରେ ଆସି ନନ୍ଦିନୀଙ୍କର ମୃତ୍ୟୁ ହୋଇଛି । ସାଙ୍ଗମାନେ ବଞ୍ଚାଇବାକୁ ଚେଷ୍ଟା କରିଥିଲେ ମଧ୍ୟ ସବୁ ଚେଷ୍ଟା ବିଫଳ ହୋଇଥିଲା । ସେଠାରୁ ତାଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ନିଜ ସାଙ୍ଗକୁ ହରାଇ ଭାଙ୍ଗିପଡିଛନ୍ତି ସାଥୀ । ରାୟଗଡା ଜିଲ୍ଲା ମୁନିଗୁଡା ବ୍ଲକ ଅନ୍ତର୍ଗତ କୁମୁଡାବାଲି କସ୍ତୁରବା ବାଳିକା ବିଦ୍ୟାଳୟରୁ ଆସିଛି ଏମିତି ଦୁଖଃଦ ଘଟଣା । ଘଟଣାକୁ ନେଇ କୁମୁଡାବାଲି ଅଞ୍ଚଳରେ ଚାପା ଉତ୍ତେଜନା ଲାଗି ରହିଥିଲା । ଏଠାରେ ପ୍ରଶ୍ନ ଉଠୁଛି ଦୀର୍ଘ ଦିନ ହେବ ସ୍କୁଲ ପରିସରରେ ବିପଦ ଶଙ୍କୁଳ ଅବସ୍ଥାରେ ବିଦ୍ୟୁତ ତାର ଓହଳିଥିବାବେଳେ ତାକୁ ସ୍ଥାନାନ୍ତର କରାଗଲା ନାହିଁ କାହିଁକି? ଛାତ୍ରୀମାନଙ୍କ ସୁରକ୍ଷା ପାଇଁ ହଷ୍ଟେଲର ୱାଡେନ କଣ କରୁଥିଲେ? ଖବରପାଇ ରାୟଗଡା ଏସପି କସ୍ତୁରବା ବିଦ୍ୟାଳୟକୁ ଯାଇ ତଦନ୍ତ କରି ଫେରିଛନ୍ତି । ସେପଟେ ଜିଲ୍ଲା ଶିକ୍ଷା ଅଧିକାରୀ ମୁନିଗୁଡା ପହଁଞ୍ଚି ମୃତକଙ୍କ ପରିବାରକୁ ସାକ୍ଷାତ କରିଛନ୍ତି । ତଦନ୍ତ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି ।
(ରାୟଗଡାରୁ ସ୍କୃତି ରଞ୍ଜନ ମହାନ୍ତିଙ୍କ ରିପୋର୍ଟ)