କେବିଏନ ଗ୍ୟାଙ୍ଗ ମୁଖ୍ୟ ବୁବୁ ଜେନା ଘରେ କମିଶନରେଟ ପୋଲିସର ଚଢଉ । ଗତକାଲି କେବିଏନ ଗ୍ୟାଙ୍ଗର ଦୁଇ ପ୍ରମୁଖ ସଦସ୍ୟ ଚେଙ୍ଗ ଓ ସଞ୍ଜୟ ଘର ଭାଙ୍ଗି ପୋଲିସ ରେଡ୍ କରିବା ପରେ ଦୁଇଜଣ ଆତ୍ମସମର୍ପଣ କରିଥିଲେ । ଆଜି ପୋଲିସ ଏହି ଗ୍ୟାଙ୍ଗର ମୁଖ୍ୟ କୁହାଯାଉଥିବା ବୁବୁ ଜେନା ଘରେ ଚଢଉ କରିଛି । ରାଜଧାନୀରେ କେବିଏନ ଗ୍ୟାଙ୍ଗର ବିଭିନ୍ନ ପ୍ରକାରର ଆତଙ୍କ ସୃଷ୍ଟି କଲାଭଳି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ କମିଶନରେଟ ପୋଲିସର ମୁଣ୍ଡ ବିନ୍ଧା ହୋଇଥିଲା । କେତେବେଳେ ରାସ୍ତା ଉପରେ ତ ଆଉ କେତେବେଳେ ଛାତ ଉପରେ ନାମୀଦାମି ବନ୍ଧୁକରୁ ବ୍ଲାଙ୍କ ଫାୟାରିଂ କରି ମଜା ନେଉଥିଲେ ଏହି ଗ୍ୟାଙ୍ଗର ସଦସ୍ୟମାନେ । କ୍ୟାମେରା ସାମନାରେ ଖଣ୍ଡା ବୁଲାଉଥିଲେ, ମଦ ପିଉଥିଲେ । ଏମିତି ଆତଙ୍କ ସୃଷ୍ଟି କଳାଭଳି ଦୃଶ୍ୟର ଭିଡିଓ ରେକର୍ଡିଂ କରି ସୋସିଆଲ ମିଡିଆରେ ପୋଷ୍ଟ୍ କରୁଥିଲେ । ତେବେ କେବିଏନ ନାଁରେ ଆରମ୍ଭ ହୋଇଥିବା ଏହି ଗ୍ୟାଙ୍ଗକୁ ଧରିବା ସହ ସେମାନେ କେଉଁଠୁ ଅସ୍ତ୍ରଶସ୍ତ୍ର ଆଣୁଥିଲେ, ତାହାର ଖୋଳତାଡ କରୁଛି ପୋଲିସ ।
