ଡ୍ରାଇଭରର ପୁଅ ଏବେ ମୁଖ୍ୟମନ୍ତ୍ରୀ । ହିମାଚଳ ପ୍ରଦେଶର ମୁଖ୍ୟମନ୍ତ୍ରୀଭାବେ ଶପଥ ନେଇଛନ୍ତି ସୁଖବିନ୍ଦର ସିଂ ସୁଖୁ । ହିମାଚଳର ରାଜ୍ୟପାଳ ତାଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି । ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀଙ୍କ ସହିତ ସଭାପତି ମଲ୍ଲିକା ଅର୍ଜୁନ ଖଡଗେଙ୍କ ସମେତ ବହୁ କଂଗ୍ରେସ ନେତା ଶପଥ ଗ୍ରହଣ ସମାରୋହରେ ଉପସ୍ଥିତ ଥିଲେ । ଛାତ୍ର ରାଜନୀତିରୁ କ୍ୟାରିୟର ଆରମ୍ଭ କରିଥିଲେ ସୁଖବିନ୍ଦର । ୪ ଥର ସେ ବିଧାୟକ ହୋଇଛନ୍ତି । ଛାତ୍ର ସଂଘଠନରେ ମଧ୍ୟ ସେ ମୁଖ୍ୟ ଥିଲେ । ଆଜିର ଶପଥ ଗ୍ରହଣ ପୂର୍ବରୁ ପିସିସି ସଭାପତି ପ୍ରତିଭା ସିଂଙ୍କୁ ଭେଟିଥିଲେ ସୁଖବିନ୍ଦର ।
ଉପମୁଖ୍ୟମନ୍ତ୍ରୀ ଭାବରେ ଶପଥ ନେଇଛନ୍ତି ପାଞ୍ଚଥରର ବିଧାୟକ ମୁକେଶ ଅଗ୍ନିହୋତ୍ରୀ ।
