ଡବ୍ଲୁ ଡବ୍ଲୁ ଇରେ ଦ ଗ୍ରେଟ ଖଲି ନାଁରେ ପରିଚିତ ପ୍ରଫେସନାଲ ରେସଲର୍ ଦଲିପ ସିଂ ରାଣା ବିଜେପିରେ ଯୋଗ ଦେଇଛନ୍ତି । ପଞ୍ଜାବ ବିଧାନସଭା ନିର୍ବାଚନ ପୂର୍ବରୁ ଖଲିଙ୍କ ଯୋଗଦାନ ରାଜନୈତିକ ଦୃଷ୍ଟିକୋଣରୁ ଗୁରୁତ୍ବପୂର୍ଣ୍ଣ ମନେ କରାଯାଉଛି । 2020ରେ ନୂଆ କୃଷି ନିୟମ ବିରୋଧରେ ଦିଲ୍ଲୀ ସୀମାନ୍ତରେ ଚାଲିଥିବା ଚାଷୀ ଆନ୍ଦୋଳନକୁ ଖଲି ସମର୍ଥନ କରିବା ସହ ଦେଶବାସୀଙ୍କୁ ମଧ୍ୟ ସମର୍ଥନ କରିବାକୁ ନିବେଦନ କରିଥିଲେ । ତେଣୁ ଖଲିଙ୍କ ଯୋଗଦାନ ବିଜେପିକୁ ଚାଷୀ ସମର୍ଥନ ମିଲିବାରେ ସାହାଯ୍ୟ କରିବ ବୋଲି ଦଳ ଆଶା ରଖିଛି । ଡବ୍ଲଡବ୍ଲୁଇରେ କ୍ୟାରିଅର ଆରମ୍ଭ କରିବା ପୂର୍ବରୁ ଖଲି ପଞ୍ଜାବ ପୋଲିସରେ କାର୍ଯ୍ୟ କରୁଥିଲେ । ରେସଲର ଭାବେ ମଧ୍ୟ ଖଲି ଅନେକ ଥର ଡବ୍ଲୁଡବ୍ଲୁଇରେ ଚାମ୍ପିଅନ ହୋଇଛନ୍ତି ।
