ପଶ୍ଚିମବଙ୍ଗରେ ସରଗରମ ନିର୍ବାଚନ ପ୍ରଚାର । ନିର୍ବାଚନ ତାରିଖ ଘୋଷଣା ପରେ ଆଜି କୋଲକାତା ବ୍ରିଗେଡ୍ ଗ୍ରାଉଣ୍ଡରୁ କ୍ୟାମ୍ପେନିଂ ଆରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କୋଲକତା ବ୍ରିଗେଡ ପଡିଆରେ ଆଜି ମେଗା ସୋ’ରେ ସାଧାରଣ ଜନତାଙ୍କୁ ସମ୍ବୋଧନ କରି ମୋଦି ଡବଲ୍ ଇଂଜିନ ଆସିଲେ ପଶ୍ଚିମବଙ୍ଗର ବିକାଶ ହେବ ବୋଲି କହିଛନ୍ତି । ମମତାଙ୍କୁ କଡା ସମାଲୋଚନା କରି ମୋଦି କହିଛନ୍ତି, ଦିଦି ଗୋଟିଏ ପୁତୁରା ମୋହରେ ରାଜ୍ୟର ଲକ୍ଷ ଲକ୍ଷ ପୁତୁରା ଝିଆରୀଙ୍କୁ ଭୁଲି ଯାଇଛନ୍ତି । ପଶ୍ଚିମବଙ୍ଗବାସୀଙ୍କୁ ମମତା ଧୋକ୍କା ଦେଇଥିବାରୁ ନିର୍ବାଚନରେ ତାଙ୍କୁ ଦଣ୍ଡ ମିଳିବା ଦରକାର ବୋଲି ମୋଦି କହିଛନ୍ତି । ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗିବା ସହ କେନ୍ଦ୍ର ସରକାରଙ୍କ ସଫଳତା ଏବଂ ପଶ୍ଚିମବଙ୍ଗରେ ଡବଲ ଇଞ୍ଜିନ ସରକାର ପାଇଁ ଆହ୍ୱାନ ଦେବେ । ଟିଏମସିର ୨୦ରୁ ଅଧିକ ବରିଷ୍ଠ ନେତା ଏବଂ ସୁପରଷ୍ଟାର ମିଥୁନଙ୍କ ସମେତ ବଙ୍ଗଳା ଫିଲ୍ମର ଏକାଧିକ ଅଭିନେତା , ଅଭିନେତ୍ରୀ ଆଜି ବିଜେପିରେ ସାମିଲ ହୋଇଛନ୍ତି । ବିଜେପିର ଏହି ବିଶାଳ ସମାବେଶରେ ଲକ୍ଷ ଲକ୍ଷ ଲୋକ ଯୋଗଦେଇଛନ୍ତି ।
ସେପଟେ ଆଜି ମୁଖ୍ୟମନ୍ତ୍ରୀ ମମତା ବାନାର୍ଜି ସିଲିଗୁଡିରେ ପଦଯାତ୍ରା ଆରମ୍ଭ କରିଛନ୍ତି ।
