ପିକନିକ୍ ହେଲା କାଳ: ଚାଲିଗଲା ୪ ଜୀବନ

ପିକନିକ୍ ହେଲା କାଳ.  14 ଜଣଙ୍କୁ ନେଇ ପିକନିକ୍ ଯାଇଥିବା ଗାଡି ଦୁର୍ଘଟଣାଗ୍ରସ୍ତ ହୋଇଛି. ଫଳରେ 3 ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିବାବେଳେ ଅନ୍ୟଜଣଙ୍କୁ କଟକ ବଡ ମେଡିକାଲ ନେବା ବାଟରେ ମୃତ୍ୟୁ ହୋଇଛି. ତେବେ ସୂଚନା ଅନୁସାରେ, ବଳସିଂହ ଗାଁ ଏବଂ ତୁଳସୀପାଲ ଗାଁର ମୋଟ 14 ଜଣ ସଦସ୍ୟ ଶୁକ୍ରବାର ବଲାଙ୍ଗୀର ହରିଶଙ୍କର ଓ ନୃସିଂହନାଥ ମନ୍ଦିର ସହ କୋରାପୁଟର ଗୁପ୍ତେଶ୍ୱର ମନ୍ଦିରକୁ ପିକନିକ କରିବା ପାଇଁ ବାହାରିଥିଲେ. ପିକନିକ ସାରି ଫେରିବା ବେଳେ ଗାଁ ନିକଟରେ ଗାଡି ଡ୍ରାଇଭର୍ ନିୟନ୍ତ୍ରଣ ହରାଇ ଏକ ଟ୍ରକକୁ ଧକ୍କା ଦେବା ସହ ଏକ ପରିବା ବୋଝେଇ ମିନି ଭ୍ୟାନକୁ ମଧ୍ୟ ଧକ୍କା ଦେଇଥିଲା. ତେବେ ଏହି ଦୁର୍ଘଟଣାଟି ଗତକାଲି ରାତି ପ୍ରାୟ 1 ରେ କତଡା ନିକଟ ଏନଏଚ-55ରେ ଘଟିଥିବା ବେଳେ ଦୁର୍ଘଟଣାରେ ପାଖାପାଖି 11ଜଣ ଆହତ ହୋଇଥିବା ସୂଚନା ମିଳିଛି.