ଟି-20ରେ ବାଂଲାଦେଶ ବିପକ୍ଷରେ ଟିମ୍ ଇଣ୍ଡିଆର ବଡ ବିଜୟ । ବିଜୟ ପାଇଁ 298 ରନକୁ ପିଚ୍ଛା କରି ବ୍ୟାଟିଂ ଆରମ୍ଭ କରିଥିଲା ବାଂଲାଦେଶ । ମାତ୍ର 7 ଓ୍ବିକେଟରେ 167 ରନ୍ କରିବାକୁ ସମର୍ଥ ହୋଇଥିଲା ବାଂଲାଦେଶ । ଫଳରେ ଟିମ୍ ଇଣ୍ଡିଆ ଶେଷ ମ୍ୟାଚକୁ 133 ରନରେ ଜିତିବା ସହ ବାଂଲାଦେଶ ବିପକ୍ଷରେ ସିରିଜକୁ 3-0ରେ କ୍ଲିନ ସ୍ବିପ କରିଛି ।
ସଞ୍ଜୁ ସାମସନ 47 ବଲରେ 111 ଏବଂ ସୂର୍ଯ୍ୟକୁମାର ଯାଦବ 35 ବଲରେ 75 ରନ୍ କରି ବାଂଲାଦେଶ ବିପକ୍ଷରେ 297 ରନ୍ ର ବିଶାଳ ସ୍କୋର ଟାର୍ଗେଟ ଦେଇଥିଲେ । ମାତ୍ର ପ୍ରଥମ ବଲରେ ହିଁ ୱିକେଟ ହରାଇଥିଲା ବାଂଲାଦେଶ । ମୟଙ୍କ ଯାଦବଙ୍କ ପ୍ରଥମ ବଲରେ ପାଭିଲିୟନକୁ ଫେରିଥିଲେ ପରଭେଜ ହୁସେନ । ସେହିପରି ତାନଜିଦ ହାସନ 15 ଓ ଅଧିନାୟକ ନଜମୁଲ ହୁସେନ ସାଣ୍ଟୋ 14 ରନ କରି ଆଉଟ୍ ହୋଇଥିଲେ । ପ୍ରଥମରୁ ଓ୍ବିକେଟ ପତନ ବାଂଲାଦେଶ ଖେଳାଳିଙ୍କୁ ହତାଶ କରିଥିଲା । ସାତ ଓ୍ବିକେଟ ହରାଇ 167 ରନ୍ କରିବାକୁ ସକ୍ଷମ ହୋଇଥିଲା ବାଂଲାଦେଶ ।
ସଞ୍ଜୁ ସାମସନ ମ୍ୟାନ୍ ଅଫ ଦ ମ୍ୟାଚ ହୋଇଛନ୍ତି ।
