ଆମେରିକା ରାଷ୍ଟ୍ରପତି ପୁନର୍ବାର ଭାରତ ଏବଂ ପାକିସ୍ତାନ ମଧ୍ୟରେ ଯୁଦ୍ଧବିରତି ମଧ୍ୟସ୍ଥତା ପ୍ରସଙ୍ଗ ଉଠାଇଛନ୍ତି। ଟ୍ରମ୍ପ କହିଛନ୍ତି ଦୁଇ ଦେଶ ମଧ୍ୟରେ ଯୁଦ୍ଧବିରତି ପାଇଁ ସେ ନୋବେଲ ଶାନ୍ତି ପୁରସ୍କାର ପାଇବାକୁ ଯୋଗ୍ୟ। ତାଙ୍କ ଅନୁଯାୟୀ, ସେ ଏପର୍ଯ୍ୟନ୍ତ ସାତଟି ଯୁଦ୍ଧ ସମାପ୍ତ କରିଛନ୍ତି, ଯେଉଁଥିରେ ଭାରତ-ପାକିସ୍ତାନ ଯୁଦ୍ଧ ମଧ୍ୟ ଅନ୍ତର୍ଭୁକ୍ତ। ଟ୍ରମ୍ପ ଦାବି କରିଛନ୍ତି ଯେ ସେ ବାଣିଜ୍ୟ ପ୍ରଲୋଭନ ଦେଖାଇ ଦୁଇ ଦେଶ ମଧ୍ୟରେ ଯୁଦ୍ଧବିରତି ପାଇଁ ମଧ୍ୟସ୍ଥତା କରିଥିଲେ। ଆମେ ବିଶ୍ୱ ସ୍ତରରେ ଏପରି କାମ କରୁଛୁ ଯାହା ପ୍ରଶଂସାର ଯୋଗ୍ୟ। ଆମେ ଅନେକ ଦେଶ ମଧ୍ୟରେ ଶାନ୍ତି ଚୁକ୍ତିନାମା ପାଇଁ ମଧ୍ୟସ୍ଥତା କରିଛୁ ଏବଂ ଅନେକ ଯୁଦ୍ଧ ବନ୍ଦ କରିଛୁ। ଟ୍ରମ୍ପ କହିଛନ୍ତି, ଭାରତ-ପାକିସ୍ତାନ, ଥାଇଲ୍ୟାଣ୍ଡ-କମ୍ବୋଡିଆ, ଆର୍ମେନିଆ-ଆଜରବାଇଜାନ, କୋସୋଭୋ-ସର୍ବିଆ, ଇସ୍ରାଏଲ-ଇରାନ, ମିଶର-ଇଥିଓପିଆ ଏବଂ ରୱାଣ୍ଡା-କଙ୍ଗୋ। ଆମେ ଏହି ସମସ୍ତ ଦେଶରେ ଯୁଦ୍ଧବିରତି ଆଣିଛୁ। ଏହି ଯୁଦ୍ଧର 60 ପ୍ରତିଶତ ବାଣିଜ୍ୟ କାରଣରୁ ଶେଷ ହୋଇଛି। ଟ୍ରମ୍ପ କହିଛନ୍ତି, ଆମେ ଭାରତକୁ କହିଥିଲୁ ଯେ ତୁମ ପାଖରେ ପରମାଣୁ ଅସ୍ତ୍ର ଅଛି। ଏପରି ପରିସ୍ଥିତିରେ, ଯଦି ତୁମେ ଯୁଦ୍ଧ ବନ୍ଦ ନ କର, ତେବେ ଆମେ ତୁମ ସହିତ ବ୍ୟବସାୟ କରିବୁ ନାହିଁ। ଏହା ଶୁଣି ସେମାନେ ଯୁଦ୍ଧ ବନ୍ଦ କରିଦେଲେ।
ଟ୍ରମ୍ପଙ୍କ କହିବା ଅନୁଯାୟୀ ଯଦି,ଏବେ ସେ ରୁଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧବିରତି ଆଣନ୍ତି, ତେବେ ତାଙ୍କୁ ନୋବେଲ ପୁରସ୍କାର ମିଳିବା ଉଚିତ।
