ଭାରତୀୟ କ୍ରିକେଟରେ ଏବେ ମହିଳା ଏବଂ ପୁରୁଷ ମଧ୍ୟରେ ରହିବନି ଭେଦଭାବ । ଉଭୟଙ୍କୁ ମିଳିବ ବରାବର ମ୍ୟାଚ୍ ଫି’ । ମ୍ୟାଚ୍ ଫି’ କୁ ନେଇ ବିସିସିଆଇ ବଡ ଘୋଷଣା କରିଛି । ପୁରୁଷ କ୍ରିକେଟରଙ୍କ ସହ ସମାନ ପାଉଣା ପାଇବେ ମହିଳା କ୍ରିକେଟର । କଣ୍ଟ୍ରାକ୍ଟ ସ୍ୱାକ୍ଷର କରିଥିବା ମହିଳା କ୍ରିକେଟର ସମାନ ପାଉଣା ପାଇବେ । ଟୁଇଟ୍ କରି ଏହି ସୂଚନା ଦେଇଛନ୍ତି ବିସିସିଆଇର ସଚିବ ଜୟ ସାହା । ଜୟ ସାହା କହିଛନ୍ତି ଯେ, ଆମେ ବର୍ତ୍ତମାନ ଲିଙ୍ଗଗତ ସମାନତାର ଏନ ନୂଆ ଯୁଗରେ ଏଣ୍ଟ୍ରି କରୁଛି । ଟେଷ୍ଟ କ୍ରିକେଟର ଗୋଟିଏ ମ୍ୟାଚ ପାଇଁ ଖେଳାଳୀଙ୍କୁ ମିଳୁଛି ୧୫ ଲକ୍ଷ । ୱାନ ଡେ ଇଣ୍ଟରନ୍ୟାସନାଲର ଗୋଟିଏ ମ୍ୟାଚ ପାଇଁ ପୁରୁଷଙ୍କୁ ମିଳୁଛି ୬ ଲକ୍ଷ । ଟି-ଟ୍ୱେଣ୍ଟି ଇଣ୍ଟର ନ୍ୟାସନାଲର ଗୋଟିଏ ମ୍ୟାଚ ଖେଳିଲେ ପୁରୁଷଙ୍କୁ ମିଳୁଛି ୩ ଲକ୍ଷ । ଏବେ ଏହି ପାଉଣା ମହିଳାଙ୍କୁ ମଧ୍ୟ ମିଳିବ ।
ପୁରୁଷଙ୍କୁ ଗୋଟିଏ ମ୍ୟାଚରେ କେତେ ଟଙ୍କା ମିଳିଥାଏ
ଗୋଟିଏ ଟେଷ୍ଟ ମ୍ୟାଚ ପାଇଁ-୧୫ ଲକ୍ଷ
ଗୋଟିଏ ୱାନ ଡେ ମ୍ୟାଚ ପାଇଁ-୬ ଲକ୍ଷ
ଗୋଟିଏ ଟି-ଟ୍ୱେଣ୍ଟି ମ୍ୟାଚ ପାଇଁ-୩ ଲକ୍ଷ
କ୍ରିକେଟରେ ମହିଳା-ପୁରୁଷଙ୍କୁ ସମାନ ପାଉଣା ସର୍ବ ପ୍ରଥମେ ନ୍ୟୁଜିଲାଣ୍ଡ କ୍ରିକେଟ ବୋର୍ଡ ଆରମ୍ଭ କରିଥିଲା । ଉଭୟ ମହିଳା-ପୁରୁଷଙ୍କୁ ସମାନ ଦରମା ଦେବା ପାଇଁ ଧାର୍ଯ୍ୟ କରିଥିଲା ନ୍ୟୁଜିଲାଣ୍ଡା ।
