ବିମାନରେ ପାଖାପାଖି ଚାରିଶହ ଯାତ୍ରୀ ଓ କ୍ରିଉ ମେମ୍ବର ଥିଲେ । ବିମାନ ଲ୍ୟାଣ୍ଡିଂ କରୁଥିବା ବେଳେ ରନଓ୍ବେରେ ଥିବା ଏକ ତଟରକ୍ଷି ବିମାନ ସହ ଧକ୍କା ହୋଇଥିଲା । ଆଉ ତା ପରେ ରନଓ୍ବେରେ ଯାଉଥିବା ବେଳେ ହୁତୁହୁତୁ ହୋଇ ଜଳୁଥିଲା ବିମାନ । ଜାପାନ ରାଜଧାନୀ ଟୋକିଓର ହନେଡି ବିମାନ ବନ୍ଦରରେ ଘଟିଛି ଏହି ଦୁର୍ଘଟଣା । ତେବେ ବିମାନଟି ସଂପୂର୍ଣ୍ଣ ଜଳିଯିବା ପୂର୍ବରୁ ବିମାନ ଭିତରେ ଥିବା 379 ଜଣଙ୍କୁ ଉଦ୍ଧାର କରାଯାଇଛି । ମାତ୍ର କ୍ରିଉମେମ୍ବରଙ୍କ ମଧ୍ୟରୁ 6 ଜଣଙ୍କୁ ଉଦ୍ଧାର କରାଯାଇଥିବା ବେଳେ 5 ଜଣଙ୍କ ମୃତ୍ୟୁ ହୋଇଛି ।
ଜାପାନ ଏୟାରଲାଇନ୍ସର ଏହି ବିମାନରେ ପାଖାପାଖି ଚାରିଶହ ଯାତ୍ରୀ ଥିଲେ । ହନେଡି ବିମାନ ବନ୍ଦରରେ ବିମାନଟି ଲ୍ୟାଣ୍ଡିଂ କରୁଥିବା ବେଳେ ଅଘଟଣ ଘଟିଥିଲା । ବିମାନଟିରେ ନିଆଁ ଲାଗିଯାଇଥିବା ଜଣାପଡିବା ପରେ ତୁରନ୍ତ ଜାପାନ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚିଥିଲେ । ମାତ୍ର ନିଆଁରେ ବିମାନଟି ସଂପୂର୍ଣ୍ଣ ଜଳିଯାଇଥିଲା ।
