କଂଗ୍ରେସ ଛାଡି ସମାଜବାଦୀ ପାର୍ଟିରେ ଯୋଗଦେଲେ ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ କପିଲ ସିବଲ୍ । ଆଉ ଦଳରେ ସାମିଲ ହେବା ମାତ୍ରେ ମିଳିଗଲା ରାଜ୍ୟସଭା ଟିକେଟ । ଆଜି ଆନୁଷ୍ଠାନିକ ଭାବେ ସମାଜବାଦୀ ପାର୍ଟିରେ କପିଲ ସିବଲ୍ ସାମିଲ ହେବା ପରେ ଦଳ ତାଙ୍କୁ ରାଜ୍ୟସଭା ଟିକଟ ଦେଇଛି । ପାର୍ଟି ମୁଖ୍ୟ ଅଖିଳେଶ ଯାଦବଙ୍କ ଉପସ୍ଥିତିରେ ସେ ରାଜ୍ୟସଭା ପ୍ରାର୍ଥୀ ପାଇଁ ନାମାଙ୍କନ ଭରିଛନ୍ତି । ସମାଜବାଦୀ ପାର୍ଟିରେ ସାମିଲ ହେବା ପରେ କପିଲ କହିଛନ୍ତି, ସେ ମେ 16ରୁ କଂଗ୍ରେସ ଛାଡି ସାରିଛନ୍ତି । କଂଗ୍ରେସର ଜଣେ ପୁରୁଖା ନେତା ଥିଲେ ସିବଲ୍ । କଂଗ୍ରେସର ଅସନ୍ତୁଷ୍ଠ ଗୋଷ୍ଠୀ କୁହାଯାଉଥିବା ଜି -23 ଭିତରେ ସେ ଥିଲେ ଅନ୍ୟତମ । କଂଗ୍ରେସର ଆମୂଳଚୁଳ ପରିବର୍ତ୍ତନ ଓ ଦଳ ଭିତରେ ସଂସ୍କାର ଆଣିବା ଉପରେ ସେ ଗୁରୁତ୍ବ ଦେଉଥିଲେ । ନିକଟରେ ଗାନ୍ଧୀ ପରିବାରକୁ ସମାଲୋଚନା କରି ସେ ଚର୍ଚ୍ଚାକୁ ଆସିଥିଲେ ।
