ଶ୍ରୀକ୍ଷେତ୍ରରେ ପୁଣି ଚିନ୍ତା ବଢାଇଛି କରୋନା ସଙ୍କ୍ରମଣ । ପୁରୀରେ ୨୨ ଜଣ ସେବାୟତ ଓ ତାଙ୍କ ପରିବାର କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଶ୍ରୀମନ୍ଦିରରେ ଏପର୍ଯ୍ୟନ୍ତ ମୋଟ୍ ୫୦ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରେ ୧୯ ଜଣ ଜୋତାଷ୍ଟାଣ୍ଡ କର୍ମଚାରୀ, ୯ ଜଣ ଶ୍ରୀମନ୍ଦିର କର୍ମଚାରୀ ରହିଛନ୍ତି । କୂମ୍ଭ ମେଳାରୁ ପୁରୀ ଫେରିଥିବା ୧୭ ଜଣଙ୍କ ମଧ୍ୟରୁ ୨ ଜଣଙ୍କର ରିପୋର୍ଟ ନେଗେଟିଭ୍ ଆସିଥିବାବେଳେ ୧୩ ଜଣଙ୍କର ରିପୋର୍ଟକୁ ଅପେକ୍ଷା କରାଯାଇଛି । ୨ ଜଣ କୂମ୍ଭମେଳା ଫେରନ୍ତା ଏପର୍ଯ୍ୟନ୍ତ କୋଭିଡ ଟେଷ୍ଟ କରିନଥିବା ସୂଚନା ମିଳିଛି । ଆଜିଠାରୁ ଶ୍ରୀମନ୍ଦିର ପାଇଁ ଲାଗୁ ହୋଇଛି ନୂଆ ଏସଓପି । କରୋନା ସଙ୍କ୍ରମଣ ପ୍ରତିହତ ପାଇଁ ଆଜିଠାରୁ କଟକଣା ଭିତରେ ମହାପ୍ରଭୁଙ୍କର ଦର୍ଶନ ଆରମ୍ଭ ହୋଇଛି । ବାହାର ରାଜ୍ୟରୁ ଆସୁଥିବା ଶ୍ରଦ୍ଧାଳୁଙ୍କ ପାଇଁ କୋଭିଡ ନେଗେଟିଭ୍ ରିପୋର୍ଟ ବାଧ୍ୟତାମୂଳକ ରହିଛି । ନେଗେଟିଭ୍ ରିପୋର୍ଟ ୯୬ ଘଣ୍ଟା ପୂର୍ବର ହୋଇଥିବା ଆବଶ୍ୟକ । ଏଥିପାଇଁ ଶ୍ରୀମନ୍ଦିର ବାହାରେ ସ୍ୱତନ୍ତ୍ର କିଓସ୍କ ଖୋଲାଯାଇଛି ।
