ସାଧାରଣତଃ ଆମେ ଅଣ୍ଡା ସିଝାଇବା ପରେ ତାର ପାଣିକୁ ଫିଙ୍ଗି ଦେଇଥାଉ । କିନ୍ତୁ ଆପଣ ଜାଣିଛନ୍ତି କି ସେଇ ପାଣି କେତେ ଉପକାରୀ । ବିଶେଷକରି ଗଛ ପାଇଁ ଏହି ପାଣି ବେଶ ଉପକାରୀ ହୋଇଥାଏ । ଏକ ଗବେଷଣାରୁ ଜଣାପଡ଼ିଛି ଯେ, ଅଣ୍ଡା ସିଝାଇବା ପରେ ଆପଣ ବଳକା ପାଣିକୁ ଥଣ୍ଡା ହେବା ପରେ ଚାରା ଗଛ ମୂଳରେ ଦେଇ ପାରିବେ। ଏଥିରେ ଏପରି ପୋଷକ ତତ୍ତ୍ୱ ରହିଛି, ଯାହା ଚାରା ଗଛ ପାଇଁ ସାର ଭାବରେ କାର୍ୟ୍ୟ କରିଥାଏ। ଅଣ୍ଡା ଖୋଳରେ କ୍ୟାଲସିୟମ୍, ପୋଟାସିୟମ୍, ଫସ୍ଫରସ୍, ମ୍ୟାଗ୍ନେସିୟମ୍ ଓ ସୋଡିୟମ୍ ରହିଛି। ଅଣ୍ଡା ସିଝାଇବା ସମୟରେ ଏହିସବୁ ପୋଷକ ତତ୍ତ୍ୱ ପାଣିରେ ରହିଯାଏ। ଗବେଷଣାରୁ ଏହା ମଧ୍ୟ ଜଣାପଡ଼ିଛି ଯେ, ଚାରା ଗଛର ବିକାଶ ପାଇଁ ଏହିସବୁ ତତ୍ତ୍ୱର ଆବଶ୍ୟକତା ରହିଛି। ଯଦି ଆପଣ ଅଣ୍ଡା ସିଝାଇବା ପରେ ଏହାର ପାଣିକୁ ଚାରା ଗଛ ମୂଳରେ ଦେଉଛନ୍ତି, ତେବେ ଏହା ସାର ଭାବରେ କାମ କରିଥାଏ ଓ ଚାରା ଭଲ ଭାବେ ବଢ଼ିଥାଏ। ଘର ଭିତରେ ରଖାଯାଉଥିବା ଗଛଗୁଡ଼ିକ ମୂଳରେ ଏହି ପାଣିକୁ ବ୍ୟବହାର କରିପାରିବେ। ସେହିପରି ବିଲାତି ବାଇଗଣ ଓ ଲଙ୍କା ଗଛର ବୃଦ୍ଧିରେ ମଧ୍ୟ ଏହି ପାଣି ବେଶ୍ ସହାୟକ ହୋଇଥାଏ ବୋଲି ଗବେଷଣାରୁ ଜଣାପଡ଼ିଛି।
