ପଞ୍ଜାବ ଅମୃତସରର ଏକ ଗ୍ରାମରେ ଭୟାବହ ଅଗ୍ନିକାଣ୍ଡ ଘଟିଛି, ଯେଉଁଥିରେ ପାଖାପାଖି 3 ଜଣଙ୍କ ମୃତ୍ୟୁ ହେବା ସହ ପାଖାପାଖି 10 ଜଣ ଲୋକ ଆହତ ହୋଇଛନ୍ତି. ତେବେ ଏଭଳି ଏକ ଘଟଣା ସେତେବେଳେ ଘଟିଥିଲା, ଯେତେବେଳେ ଦୁଇଜଣ ଅପରିଚିତ ବ୍ୟକ୍ତି ବାଇକରେ ଆସି ବମ୍ ପକାଇ ପଳେଇ ଯାଇଥିଲେ. ସୂଚନା ଅନୁସାରେ, ରାଜାସାନ୍ସୀ ଗ୍ରାମ ନିକଟରେ ଥିବା ନିରଙ୍କାରୀ ଭବନ ଉପରେ ହଠାତ୍ ଦୁଇଜଣ ଅଜଣା ଯୁବକ ବାଇକରେ ଆସି ବମ୍ ପକାଇଥିଲେ. କେହି କିଛି ବୁଝିବା ପୂର୍ବରୁ ସେମାନେ ଗୃହ ଭିତରକୁ ପ୍ରବେଶ କରି ଫାୟାରିଂ କରିବା ମଧ୍ୟ ଆରମ୍ଭ କରିଦେଇଥିଲେ ଓ ପରେ ସେହି ସ୍ଥାନ ଛାଡି ପଳାଇଯାଇଥିଲେ. ସେହି ଭବନ ଭିତରେ ପାଖାପାଖି 250ଜଣ ଲୋକ ଥିଲେ. ଆଉ ଆକ୍ରମଣ କରିଥିବା ସେହି ଦୁଇ ବ୍ୟକ୍ତିଙ୍କ ପାଖରେ ଆସଲେଟ ରାଇଫଲ ଥିଲା ବୋଲି କହିଛନ୍ତି ଉପସ୍ଥିତ ଥିବ ପ୍ରତ୍ୟକ୍ଷଦର୍ଶୀ.
