ନୂଆଦିଲ୍ଲୀ – ପାକିସ୍ତାନ ପାଇଁ ଗୁପ୍ତଚର ଭାବେ କାମ କରୁଥିବା ହରିୟାଣାର ୟୁଟ୍ୟୁବର ଜ୍ୟୋତି ମାଲହୋତ୍ରାଙ୍କ ପୁରୀ ଗସ୍ତର ତଦନ୍ତ ଆରମ୍ଭ କରିଛି ଓଡିଶା ପୋଲିସ । ଶନିବାର ଦିନ ଜ୍ୟୋତିଙ୍କୁ ଗିରଫ କରିଥିଲା ପୋଲିସ୍ । ଗିରଫ ହେବା ପରେ, ପୁରୀର ଶ୍ରୀ ଜଗନ୍ନାଥ ମନ୍ଦିରରେ ମାଲହୋତ୍ରାଙ୍କ ଦର୍ଶନର ଏକ ଭିଡିଓ ଭାଇରାଲ ହୋଇଥିଲା, ଯାହା ସେ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଥିଲେ । ସେ ପୁରୀ ସମୁଦ୍ର ବେଳାଭୂମିରେ ଉଠାଇ ଥିବା ତାଙ୍କର ଫଟୋ ମଧ୍ୟ ଇନଷ୍ଟାଗ୍ରାମରେ ଅପଲୋଡ କରିଥିଲେ ।
ଭିଡିଓଗୁଡ଼ିକ ସାମ୍ନାକୁ ଆସିବା ପରେ, ପୁରୀ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ତଦନ୍ତ ଆରମ୍ଭ କରିଛି । ସେମାନେ ସୂଚନା ପାଇଛନ୍ତି ଯେ ପୁରୀରେ ମାଲହୋତ୍ରାଙ୍କ ଜଣେ ବନ୍ଧୁ ଅଛନ୍ତି ଏବଂ ସେମାନେ ଦାବିଗୁଡ଼ିକୁ ଯାଞ୍ଚ କରୁଛନ୍ତି ।
ଆମେ ମାଲହୋତ୍ରାଙ୍କ କିଛି ଭିଡିଓ ପାଇଲୁ, ଯାହାକୁ ସେ ଗତବର୍ଷ ପୁରୀ ଗସ୍ତ ସମୟରେ ରେକର୍ଡ କରିଥିଲେ ଏବଂ ସେଗୁଡ଼ିକୁ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଥିଲେ । ସେ ପୁରୀରେ କାହାକୁ ଜାଣନ୍ତି କି ନାହିଁ, ତାଙ୍କ ଗସ୍ତ ପାଇଁ ତାଙ୍କୁ କୌଣସି ସହାୟତା ମିଳିଥିଲା କି ନାହିଁ ଏବଂ ତାଙ୍କ ରହଣି ସମୟରେ ସେ କେଉଁ ସ୍ଥାନଗୁଡ଼ିକୁ ଯାଇଥିଲେ ତାହା ଜାଣିବା ପାଇଁ ଏକ ବିସ୍ତୃତ ତଦନ୍ତ ଆରମ୍ଭ ହୋଇଛି” ବୋଲି ପୁରୀ ଏସପି ବିନିତ ଅଗ୍ରୱାଲ କହିଛନ୍ତି।
ମାଲହୋତ୍ରାଙ୍କର ୟୁଟ୍ୟୁବ ଏବଂ ଇନଷ୍ଟାଗ୍ରାମରେ ବହୁ ଫଲୋଅର୍ସ ଅଛନ୍ତି ଏବଂ ଏହି ବର୍ଷ ଆରମ୍ଭରେ ପଡ଼ୋଶୀ ଦେଶକୁ ତାଙ୍କ ଗସ୍ତର ଅନେକ ଭିଡିଓ ପୋଷ୍ଟ କରିଛନ୍ତି । ପାକିସ୍ତାନୀ ଏଜେଣ୍ଟଙ୍କ ସହ ସମ୍ବେଦନଶୀଳ ସୂଚନା ସେୟାର କରିବା ଅଭିଯୋଗରେ ତାଙ୍କୁ ଗିରଫ କରାଯାଇଥିଲା ।
