ବସ ଚାଳକଙ୍କ ଅବହେଳା, ଅଳ୍ପକେ ବର୍ତ୍ତିଲେ ୫୦ ସ୍କୁଲ ପିଲା

ଜୟପୁର ନିକଟସ୍ଥ ଦୋସ୍ତା ଜିଲ୍ଲାରେ ଲାଲସୋଟର ଏକ ବସ ଚାଳକଙ୍କ ଅବହେଳା ହେତୁ ୫୦ ଜଣ ସ୍କୁଲ ଛାତ୍ରଛାତ୍ରୀଙ୍କ ଜୀବନ ବିପଦରେ ପଡିଥିଲା । ବସ ଭିତରେ ପାଣି ପଶିଯିବାରୁ ପିଲାମାନେ ଭୟରେ କାନ୍ଦି ବାକୁ ଲାଗିଥିଲେ । ଘଟଣାସ୍ଥଳରେ ଥିବା ସ୍ଥାନୀୟ ଲୋକମାନେ ବସ ଭିତରୁ ସୁରକ୍ଷିତ ଭାବେ ପିଲାମାନଙ୍କୁ ବାହାରକୁ ବାହାର କରିଥିଲେ । କିଏ ରଶିର ବନେ୍ଦାବସ୍ତ କରିଥିଲା ତ ଆଉ କିଏ ନିଜ ଜୀବନକୁ ବାଜି ଲଗାଇ ପାଣି ଭିତର ଦେଇ ବସ୍ ଉପରକୁ ଚଢି ଯାଇଥିଲେ ପିଲାଙ୍କୁ ଉଦ୍ଧାର ପାଇଁ । ଜୟପୁରର ଲାଲ ପୋଷ୍ଟ ସ୍ଥିତ ଜଗେନର ଗାଁରେ ସ୍କୁଲ ବସ୍ ଫସିଯାଇଥିଲା । ଏଠାରେ ଚାଳକ ବସ୍ ଅଟକାଇବା ବଦଳରେ ପାଣି ଭିତରେ ପୁରାଇ ଦେଇଥିଲେ । ବସ୍ ର ଝରକା ପର୍ୟ୍ୟନ୍ତ ପାଣି ଭରି ଯାଇଥିଲ । ଏହାପରେ ଚାଳକ ଯେତେବେଳେ ବସକୁ ପଛକୁ ଆଣିବାକୁ ଚେଷ୍ଟା କରିଥିଲେ , ସେଥିରେ ସେ ଅସଫଳ ହୋଇଥିଲେ ଏବଂ ଷ୍ଟାର୍ଟ ବି ବନ୍ଦ ହୋଇଯାଇଥିଲା ।