ଚନ୍ଦକା ଅଭୟାରଣ୍ୟରେ ଥିବା କୁମକୀ ହାତୀ ନନ୍ଦ ଆଖି ବୁଜିଛି । ଦୀର୍ଘଦିନ ଧରି ଅସୁସ୍ଥ ରହିଥିବାରୁ ତାର ଚିକିତ୍ସା କରାଯାଉଥିଲା । ଜଙ୍ଗଲ ସୁରକ୍ଷା ଓ ଅନ୍ୟ ହାତୀଙ୍କୁ ଘଉଡାଇବାରେ ନନ୍ଦ ହାତୀ ଦୀର୍ଘବର୍ଷ ଧରି କାମ କରି ଆସୁଥିଲା । ପୂର୍ବରୁ ନନ୍ଦନକାନନରେ ପର୍ଯ୍ୟଟକଙ୍କ ପାଖରେ ନନ୍ଦ ହାତୀ ଭାବେ ପରିଚିତ ଥିବା ଏହି ହାତୀ 1997ରେ ମାହୁନ୍ତ ରାଧାରମଣକୁ କଚାଡି ମାରିବା ପରେ ତା ଗୋଡରେ ଶିକୁଳି ପକାଯାଇଥିଲା । 2010ରେ ତାର ମାନସିକ ସ୍ଥିତି ଯାଞ୍ଚ କରିବା ପରେ ଗୋଡରୁ ଶିକୁଳି ଖୋଲା ଯାଇଥିଲା ।
