ଦୁଇ ଦିନିଆ ଓଡିଶା ଗସ୍ତରେ ଆସୁଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ | ବାୟୁ ସେନାର ଏକ ସ୍ୱତନ୍ତ୍ର ବିମାନ ଯୋଗେ ନୂଆଦିଲ୍ଲୀରୁ ବାହାରି ଅପରାହ୍ନ ୩ଟା ୩୦ରେ ରଙ୍ଗେଇଲୁଣ୍ଡା ଏୟାରଷ୍ଟ୍ରିପରେ ପହଁଚିବେ | ସେଠାରୁ ଗୋଳାବନ୍ଧ ଏୟାର ଡିଫେନ୍ସ କଲେଜ୍ ରେ ଆୟୋଜିତ ଏକ ସ୍ଵତନ୍ତ୍ର କାର୍ଯ୍ୟକ୍ରମରେ ଯୋଗ ଦେଇ ଡିଫେନ୍ସ ସେଂଟରକୁ କଲର ଆୱାର୍ଡ ପ୍ରଦାନ କରିବେ | ପ୍ରାୟ ୨୫ ବର୍ଷରୁ ବର୍ଷ ଧରି ଆର୍ମି ଡିଫେନ୍ସ ସେଂଟର ଉଲେଖନୀୟ ସେବା ଯୋଗାଇ ଆସୁଥିବା ନେଇ ରାଷ୍ଟ୍ରପତି ସମ୍ମାନଜନକ କଲର ଆୱାର୍ଡ ପ୍ରଦାନ କରିବେ | ଏହି କାର୍ଯ୍ୟକ୍ରମରେ ସ୍ଥଳସେନା ମୁଖ୍ୟ ବିପିନ ରାୱତ୍, ଓଡିଶା ରାଜ୍ୟପାଳ ଗଣେଶୀ ଲାଲ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ଲେଫ୍ଟନାଂଟ ଜେନେରାଲ ଅଶ୍ୱିନୀ କୁମାର ଓ ଲେଫ୍ଟନାଂଟ ଜେନେରାଲ ଏ.ପି.ସିଂ ପ୍ରମୁଖ ଯୋଗ ଦେବେ | ଏପଟେ ରାଷ୍ଟ୍ରପତିଙ୍କ ଗସ୍ତକୁ ନେଇ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି |
