କୁମ୍ଭୀର ମୁହଁରେ ଗଲା ନାବାଳକର ଜୀବନ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲା ଚିତ୍ରକୋଣ୍ଡା ଜଳଭଣ୍ଡାରରେ । ଗତକାଲି ମଧ୍ୟାହ୍ନରେ ଚିତ୍ରକୋଣ୍ଡା ଝୋଲା ଗୁଡା ଅପରେଟ କଲୋନୀ କୈଳାସ ମାଝୀ ତାର ସାଙ୍ଗମାନଙ୍କ ସହ ଗାଧେଇବାକୁ ଯାଇଥିଲେ । ତେବେ ସେଠାରେ ଗାଧୋଉଥିବାବେଳେ କୈଳାସଙ୍କୁ କୂମ୍ଭୀର ଟାଣିନେଇଥିଲା । ହେଲେ ଆଜି ସେଇ ନଦ ହାତ ଗୋଡ ନଥିବା ଅବସ୍ଥାରେ ମୃତଦେହ ଭାସୁଥିବା ଦେଖିବାକୁ ମିଳିଥିଲା । ପରେ ସ୍ଥାନୀୟ ଲୋକଙ୍କ ସହାୟତାରେ ମୃତଦେହକୁ ଉଦ୍ଧାର କରାଯାଇଛି । ଘଟଣାସ୍ଥଳରେ ପୋଲିସ ଓ ବନ ବିଭାଗ ପହଁଞ୍ଚି ତଦନ୍ତ କରୁଛି । ପ୍ରାୟ ୩ଟି କୁମ୍ଭୀର ଏହି ନଦୀରେ ରହୁଥିବା ସୂଚନା ମିଳିଛି ।
