ଟିକ୍ ଟକ୍ କରି ଯୁବତୀ ଅଟକ

ମହଙ୍ଗା ପଡ଼ିଲା ଶ୍ରୀମନ୍ଦିର ଭିତରେ ଟିକ୍‌ଟକ୍‌ ଭିଡିଓ କରିବା । ଭିଡିଓ କରିଥିବା ନାବାଳିକା ନିମାପଡ଼ାର ବୋଲି ଜଣାପଡ଼ିଛି । ସିଂହଦ୍ୱାର ଥାନା ପୁଲିସ୍ ନାବାଳିକାଙ୍କୁ ଅଟକ ରଖି ପଚରାଉଚରା କରୁଛି। ଏଥିସହ ସେ କେଉଁ ପରିସ୍ଥିତିରେ ଓ କାହିଁକି ଭିଡିଓ ରେକର୍ଡ କରିଛନ୍ତି ଏନେଇ ଖୋଳତାଡ଼ କରାଯାଉଛି। ତେବେ ଆଇନ ଅନୁସାରେ ଆବଶ୍ୟକ ପଦକ୍ଷେପ ନିଆଯିବ ବୋଲି ଅତିରିକ୍ତ ଏସ୍‌ପି କହିଛନ୍ତି।
ଗତ କିଛି ଦିନ ତଳେ ସଂପୃକ୍ତ ନାବାଳିକା ଶ୍ରୀମନ୍ଦିର ଭୋଗମଣ୍ଡପ ଓ ଆନନ୍ଦ ବଜାରରର ଦୃଶ୍ୟ ଟିକ୍‌ଟକ୍‌ରେ ଶୁଟ୍ କରିଥିଲେ। ଏହାପରେ ଏହି ଭିଡିଓଟି ସୋସିଆଲ ମିଡିଆରେ ଭାଇରାଲ୍ ହୋଇଥିଲା। ଅନ୍ୟପକ୍ଷରେ କଡ଼ା ସୁରକ୍ଷା ସତ୍ତ୍ୱେ ବାରମ୍ବାର ଶ୍ରୀମନ୍ଦିର ଭିତରକୁ କିପରି ମୋବାଇଲ୍ ଯାଉଛି ତାକୁ ନେଇ ଏବେ ପ୍ରଶ୍ନବାଚୀ ସୃଷ୍ଟି ହୋଇଥିଲା ।