ରାଜ୍ୟରେ ଦ୍ରୁତ ବେଗରେ ବଢିବାରେ ଲାଗିଛି କରୋନା ପଜିଟିଭ୍ଙ୍କ ସଂଖ୍ୟା । ମୃତ୍ୟୁ ହାରରେ ମଧ୍ୟ ବ୍ରେକ ଲାଗୁନି । ବଢୁଥିବା ସଙ୍କ୍ରମଣରେ ବ୍ରେକ୍ ଲଗାଇବାକୁ ରାଜ୍ୟ ସରକାର ଆଉ ଏକ ନିଷ୍ପତ୍ତି ନେଇଛନ୍ତି । ରାଜ୍ୟରେ ସୁଟିଂ ଉପରେ ଲଗାଇଛନ୍ତି କଟକଣା । ଫିଲ୍ମ ଓ ସିରିଏଲ ସୁଟିଂ ପାଇଁ ଆଉ ମିଳିବ ନାହିଁ ଅନୁମତି । ଉଭୟ ଆଉଟଡୋର ଏବଂ ଇନଡୋର ସୁଟିଂ ହୋଇପାରିବ ନାହିଁ । ଏହା ଉପରେ କଟକଣା ଲଗାଇଛନ୍ତି ରାଜ୍ୟ ସରକାର । ଏସଆରସିଙ୍କ ପକ୍ଷରୁ ଚିଠି ମଧ୍ୟ ଜାରି କରାଯାଇଛି ।
