‘ସ୍ୱଚ୍ଛତା ହିଁ ସେବା’ ଅଭିଯାନରେ ବରମୁଣ୍ଡା ବସଷ୍ଟାଣ୍ଡରେ ସଫେଇ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏହି ଅଭିଯାନରେ ଧର୍ମେନ୍ଦ୍ର ପ୍ରଧାନଙ୍କ ସହ ଅନ୍ୟ ବିଜେପି ନେତାମାନେ ବସଷ୍ଟାଣ୍ଡରେ ଅଳିଆ ସଫା କରିବା ସହ ପରିବେଶକୁ ସ୍ୱଚ୍ଛ ରଖିବା ପାଇଁ ଆହ୍ୱାନ ଦେଇଥିଲେ । ଗତ ୧୫ରୁ ଆସନ୍ତା ଅକ୍ଟୋବର ୨ ପର୍ଯ୍ୟନ୍ତ ଦେଶବ୍ୟାପି ସ୍ୱଚ୍ଛତା ପକ୍ଷ ପାଳନ କରାଯାଉଛି । ତେବେ ଆସନ୍ତା ୨୨ରେ ଓଡିଶା ଗସ୍ତରେ ଆସିବେ ମୋଦି । ମୋଦିଙ୍କ ଓଡିଶା ଗସ୍ତକୁ ନେଇ ମଧ୍ୟ ପ୍ରତିକ୍ରିୟା ରଖିଛନ୍ତି ଧର୍ମେନ୍ଦ୍ର । ମୋଦିଙ୍କ ଅଭିମୁଖ୍ୟ ସ୍ପଷ୍ଟ ।
ଓଡିଶା ଗସ୍ତରେ ଆସି ମୋଦି ୪ବର୍ଷର ଉପଲବ୍ଧି ବିଷୟରେ କହିବା ସହ ବିଜେପି ସରକାରକୁ ଆସିବା ପରେ ହୋଇଥିବା ଯୋଜନାଗୁଡିକୁ ଲୋକାଭିମୁଖି କରିବେ ବୋଲି ସେ କହିଛନ୍ତି । ତେବେ ଯୋଜନାଗୁଡିକ ମଧ୍ୟରେ ଜାତୀୟ ରାଜପଥ, ବିମାନ ସେବା, ଏନଆରଜିଏସ୍ , ପ୍ରଧାନମନ୍ତ୍ରୀଙ୍କ ଉଜ୍ଜ୍ୱଳା ଯୋଜନା , ଆବାସ ଯୋଜନା ,ସୌଭାଗ୍ୟ ଯୋଜନାର ଉପଲବ୍ଧିକୁ ପ୍ରାଥମିକତା ଦେବ ଭାରତୀୟ ଜନତା ପାର୍ଟି ।
