କନ୍ଧମାଳ ଜିଲ୍ଲା ବାଲିଗୁଡା ଏନଏସିରେ ‘ମୁଁ ହିରୋ ମୁଁ ଓଡିଶା’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି. ବାଲିଗୁଡା ଏନଏସି ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମକୁ ଏନଏସି ଅଧ୍ୟକ୍ଷା ଶ୍ରୀମତୀ ମମତା ବେହେରା ଆନୁଷ୍ଠାନିକ ଭାବେ ଉଦଘାଟନ କରିଥିଲେ. ଏହି କାର୍ଯ୍ୟକ୍ରମରେ ବାଲିଗୁଡା ଥାନାର ପିଏସଆଇ ସୁଶ୍ରୀ ଇପ୍ସିତା କାନୁନ ଗୋ ଉପସ୍ଥିତ ରହିବା ସହ ବିଜୁ ଯୁବ ବାହିନୀର ଶତାଧିକ କର୍ମୀମାନେ ଉପସ୍ଥିତ ଥିଲେ. ଅନେକ କୁନିକୁନି ପିଲା ଏହି କାର୍ଯ୍ୟକ୍ରମରେ ସେମାନଙ୍କ ପ୍ରତିଭାକୁ ଦେଖାଇଥିଲେ. କୁନି କୁନି ପିଲାଙ୍କ ମଧ୍ୟରେ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହେବା ସହ ବିଭିନ୍ନ ପ୍ରକାର ରଂଗାରଂଗ କାର୍ଯ୍ୟକ୍ରମ ପରିବେଷିତ ହୋଇଥିଲା.
