ନିର୍ବାଚନ ପାଇଁ ଏବେ ସବୁଠି ଚାଲିଛି ଜୋରସୋରରେ ପ୍ରଚାର । ଲୋକଙ୍କ ମନ କିଣିବାକୁ ଏବେ କସରତ ଆରମ୍ଭ କରିଦେଲେଣି ପ୍ରାର୍ଥୀ । କିଏ ଘର ଘର ବୁଲି ଦୁଃଖ ବୁଝୁଛି ତ ଆଉ କିଏ ଭୋଟରଙ୍କୁ ପ୍ରଲୋଭିତ କରୁଛି । କିନ୍ତୁ କିଛି ପ୍ରାର୍ଥୀ ଲୋକଙ୍କୁ ସାହାର୍ଯ୍ୟ କରିବା ଖୁବ୍ କମ୍ ଦେଖିବାକୁ ମିଳେ । ଦାମ ରାଉତଙ୍କ ପୁଅ ତଥା ବିଜେଡି ବିଧାୟକ ପ୍ରାର୍ଥୀ ସମ୍ବିତ ରାଉତରାୟ ପାରାଦୀପ ନିର୍ବାଚନମଣ୍ଡଳୀ ପାଇଁ ଲଢୁଛନ୍ତି । ଚତୁର୍ଥ ପର୍ଯ୍ୟାୟରେ ଏହି ନିର୍ବାଚନମଣ୍ଡଳୀରେ ଭୋଟିଂ ହେବ । ନିର୍ବାଚନ ପ୍ରଚାର ସମୟରେ ସମ୍ବିତ ରାଉତରାୟଙ୍କ ମାନବିକତା ଦେଖିବାକୁ ମିଳିଥିଲା । ତିର୍ତ୍ତୋଲ ବ୍ଲକର ରାଣିତୋଲା ଗାଁରେ ପ୍ରଚାର କରୁଥିଲେ ସମ୍ବିତ । ପ୍ରଚାର ସମୟରେ ସେ ରାଣିତୋଲା ଗାଁର ମୋହନ ମହାପାତ୍ର ଙ୍କ ମୃତ୍ୟୁ ଖବର ପାଇଥିଲେ । ନିଜ ପ୍ରଚାର ଛାଡି ସେ ଶବକୁ କାନ୍ଧ ଦେଇଥିଲେ । ଏବଂ ଶ୍ମଶାନ ପର୍ଯ୍ୟନ୍ତ ଶବକୁ କାନ୍ଧ ଦେଇ ମାନବିକତାର ପରିଚୟ ଦେଇଥିଲେ । ଘଟଣା ସମ୍ପର୍କରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜାଣିବା ପରେ ସମ୍ବିତଙ୍କର ପ୍ରଶଂସା କରିଛନ୍ତି ।
