ବିଜେବି କଲେଜରେ ଛାତ୍ରଙ୍କୁ ମାଡମରା ଘଟଣାରେ ୪ ଜଣ ଛାତ୍ର ନିଲମ୍ବିତ ହୋଇଛନ୍ତି । ବିଜେବି କଲେଜ କର୍ତ୍ତୃପକ୍ଷ ଆଜି ଏଇ ୪ ଛାତ୍ରଙ୍କୁ ନିଲମ୍ବନ କରିଛନ୍ତି । ଆଜି ବସିଥିବା ଷ୍ଟାଫ କାଉନସିଲ ବୈଠକରେ ନିଷ୍ପତ୍ତି ନିଆଯାଇଛି ଯେ, ୪ ଜଣ ଛାତ୍ରଙ୍କୁ କଲେଜ କ୍ୟାମ୍ପସ ଆସିବାକୁ କଟକଣା ଲାଗିଛି । ଏହି ୪ ଜଣ ଛାତ୍ରଙ୍କୁ କ୍ୟାମ୍ପସ ଭିତରକୁ ପ୍ରବେଶ ନକରିବାକୁ କୁହାଯାଇଛି । ଏହି ସୂଚନା ଦେଇଛନ୍ତି ବିଜେବି ଜୁନିୟର କଲେଜ ଅଧକ୍ଷ୍ୟ ରଞ୍ଜନ ବଳ । କଲେଜର ଯୁକ୍ତ ଦୁଇ ବିଗ୍ୟାନର ପ୍ରଥମ ବର୍ଷ ଛାତ୍ରଙ୍କୁ କିଛି ଛାତ୍ର ମାଡ ମାରିଥିଲେ । ଏନେଇ ୩ ଜଣ ଯୁକ୍ତ ଦୁଇ ଦ୍ୱିତୀୟ ବର୍ଷର ଛାତ୍ରଙ୍କୁ ଗିରଫ କରିଥିବାବେଳେ ଜଣେ ପ୍ରଥମ ବର୍ଷ ନାବାଳକ ଛାତ୍ରଙ୍କୁ ସୁଧାର ଗୃହକୁ ପଠାଯାଇଛି ।
