୯ଟି କେନ୍ଦ୍ରୀୟ ବିଦ୍ୟାଳୟର ସବୁ କ୍ଲାସରୁମ୍ ହେବ ସ୍ମାର୍ଟ କ୍ଲାସ

ଦୁଇଟି କେନ୍ଦ୍ରୀୟ ବିଦ୍ୟାଳୟର ଭିତିପ୍ରସ୍ତର ସ୍ଥାପନ ସହ ସ୍ମାର୍ଟ ଶ୍ରେଣୀଗୃହର ଉଦଘାଟନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନା ସୁନ୍ଦରଗଡର କୁତ୍ରା ଏବଂ କଟକର ମୁଣ୍ଡଳିରେ ୩୩ କୋଟି ଟଙ୍କା ବ୍ୟୟବରାଦରେ କେନ୍ଦ୍ରୀୟ ବିଦ୍ୟାଳୟର ଭିତ୍ତିପ୍ରସ୍ତର ସ୍ଥାପନ କରିଛନ୍ତି କେନ୍ଦ୍ରମନ୍ତ୍ରୀ । ଭାରତ ସରକାରଙ୍କ ପେଟ୍ରୋଲିୟମ ବିଭାଗ ତରଫରୁ ପ୍ରାୟ ୪କୋଟି ଟଙ୍କା ଖର୍ଚ୍ଚ କରି କଟକ,ଭୁବନେଶ୍ୱର ଓ ଖୋର୍ଦ୍ଧାରେ ୯ଟି କେନ୍ଦ୍ରୀୟ ବିଦ୍ୟାଳୟ ଥିବା ସମସ୍ତ ୧୮୪ ଟି ଶ୍ରେଣୀଗୃହ ଗୁଡିକୁ ସ୍ମାର୍ଟ କ୍ଲାସ ରୁମରେ ପରିଣତ କରିବାର କାର୍ଯ୍ୟକ୍ରମ ଆରମ୍ଭ ହୋଇଛି । ଛୋଟ ଛୋଟ ପିଲାମାନଙ୍କୁ ସ୍ମାର୍ଟ କ୍ଲାସରୁମ ଦ୍ୱାରା ଆଧୁନିକ,ବୈଜ୍ଞାନିକ ଓ ସାଂପ୍ରତିକ ଶିକ୍ଷା ସହ ଯୋଡିବାର ଏକ ସଫଳ ପ୍ରୟାସ । କେନ୍ଦ୍ରୀୟ ବିଦ୍ୟାଳୟରେ ଓଏନଜିସି ସହାୟତାରେ ସ୍ମାର୍ଟ ଶ୍ରେଣୀଗୃହ ପ୍ରକଳ୍ପର ଉଦଘାଟନ ଏବଂ ଉଦୟଗିରି,ଖଣ୍ଡଗିରି ଗୁମ୍ଫାଠାରେ ମିଳିତ ପର୍ଯ୍ୟଟକ ସୁବିଧାର ଶୁଭାରମ୍ଭ କରିଛନ୍ତି । ଓଡିଶାକୁ ଆଗକୁ ନେବା ପାଇଁ ଭାରତ ସରକାର ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଅନେକ କଲ୍ୟାଣକାରୀ ଯୋଜନା ବିଶେଷତଃ ଶିକ୍ଷା, ପର୍ଯ୍ୟଟନ ଏ ଦୃଷ୍ଟିରୁ ଯେଉଁ କାର୍ଯ୍ୟକ୍ରମ ଗୁଡିକ ହାତକୁ ନିଆଯାଇଛି ତାହାକୁ ସାକାର କରାଯାଇ ପାରିଲା ବୋଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ।