ସୋମବାର ୩୦ ବର୍ଷରେ ପଦାର୍ପଣ କରିଛନ୍ତି ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି । ଏହି ଅବସରରେ ତାଙ୍କ ନିକଟକୁ କ୍ରିକେଟ ଜଗତ ତଥା ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି। ”ଦଳ ଲାଗି ବହୁ ବିଜୟୀ ଇନିଂସ ଖେଳିଥିବା ଅଧିନାୟକ ତଥା ରନ୍ ମେସିନଙ୍କୁ ଜନ୍ମ ଦିନର ଅନେକ ଅନେକ ଶୁଭକାମନା“ ବୋଲି ବିସିସିଆଇ ପକ୍ଷରୁ ଟୁଇଟରରେ କୁହାଯାଇଛି। ତେବେ ଭାରତୀୟ ଅଧିନାୟକ ନିଜର ଜନ୍ମଦିନକୁ ପତ୍ନୀ ଅନୁଷ୍କାଙ୍କ ସହ ସେଲିବ୍ରେଟ କରିଛନ୍ତି । ଏହି ଷ୍ଟାର ଦମ୍ପତି ଡେରାଡୁନ ଜାଲିଗ୍ରାର ନରେନ୍ଦ୍ର ନଗରରେ ଜନ୍ମଦିନ ମନାଇବେ ବୋଲି ଯୋଜନା ରଖିଛନ୍ତି
ଗତବର୍ଷ ବିରାଟ ନିଜର ଜନ୍ମଦିନ ନ୍ୟୁଜଲାଣ୍ଡ୍ ଗସ୍ତ ସମୟରେ ସାଥୀ ଖେଳାଳିଙ୍କ ସହ ପାଳନ କରିଥିଲେ । କିନ୍ତୁ ଏହି ବର୍ଷ ୱେଷ୍ଟଇଣ୍ଡିଜ୍ ବିରୋଧରେ ଖେଳାଯାଉଥିବା ଟି-ଟ୍ୱେଂଟି ମ୍ୟାଚରେ ବିରାଟଙ୍କୁ ବିଶ୍ରାମ ଦିଆଯାଇଛି । ସେଥିପାଇଁ କୋହଲି ଭାରତୀୟ ଦଳର ସଦସ୍ୟଙ୍କ ସହ ଜନ୍ମଦିନ ପାଳନ କରିପାରିବେ ନାହିଁ।
