ପୁଣି ଦିଲ୍ଲୀରେ ଏକ ବଡ ଧରଣର ଅଗ୍ନିକାଣ୍ଡ

ପୁଣି ଦିଲ୍ଲୀରେ ଘଟିଛି ଏକ ବଡ ଧରଣର ଅଗ୍ନିକାଣ୍ଡ. ଗୋଟିଏ ପରେ ଗୋଟିଏ ଅଗ୍ନିକାଣ୍ଡ ଘଟି ଚାଲିଛି ଦିଲ୍ଲୀରେ. ଯାହା ଥମିବାର ନାଁ ନେଉନାହିଁ.  ଏବେ ପୁଣି ଏକ ଭୟାବହ ଅଗ୍ନିକାଣ୍ଡ ଦେଖିବାକୁ ମିଳିଛି. ବୁଧବାର ସକାଳ ସମୟରେ ଦିଲ୍ଲୀ ସିଜିଓ କମ୍ପ୍ଲେକ୍ସର ଦୀନଦୟାଲ ଅନ୍ତୋଦୟ ଭବନରେ ବଡ ଧରଣର ଅଗ୍ନିକାଣ୍ଡ ଘଟିଛି ଏବଂ କୋଠାର ପଞ୍ଚମ ମହଲାରେ ନିଆଁ ଲାଗିଥିବା ସୂଚନା ମିଳିଛି. ନିଆଁକୁ ଆୟତ୍ତ କରିବା ପାଇଁ 24ଟି ଦମକଳ ବାହିନୀ ନିୟୋଜିତ ହୋଇଛନ୍ତି. ସୂଚନା ଅନୁସାରେ, ସକାଳ ପ୍ରାୟ 8ଟା ସମୟରେ ଏହି ଅଗ୍ନିକାଣ୍ଡ ଘଟିଥିଲା. ନିଆଁ ଲାଗିବାର କାରଣ ଅସ୍ପଷ୍ଟ ଥିବା ବେଳେ  କେତେଜଣ ଆହତ ହୋଇଛନ୍ତି ତାହା ଜଣାପଡିନାହିଁ.